Амьдрал олон өнгөтэй. Автобус бүр ч олон өнгө дайж явдаг. Жирийн олны унаанд амьдрал буцалж, амь халуун яриа өрнөнө шүү дээ. Заримдаа амьдралыг хайрламаар болоод буух бол зовлон, жаргал ээлжилдэг хойно хааяа сэтгэл сэмрээд харина.

Түмний унаанд инээд цалгиж явах нь ховор. Гэхдээ үзэмж муутай автобусандаа түлхэлцэж, толхилцож бие биедээ сайн дураараа дургүйлхсээр бид өдөр, хоног, сар жилийг өнгөрөөж л явна. Багтахгүй байна, ирэхгүй удлаа гэж үргэлж гомдоллоо ч автобус ирсээр, явсаар л. Амьдрал үргэлжилсээр л байна.

Хүнд хэцүү байсан ч хөгжилтэй, инээд хөөртэй явахыг хичээгээрэй. Тэгж байж бид энэ амьдралын эрээн, барааныг илч дулаантай давах юм шүү.