Кембрижийн ерөнхий боловсролын олон улсын хөтөлбөрөөр монгол, англи хос хэлээр хичээллэх төрийн өмчийн хоёр лаборатори сургуулийг Улаанбаатар хотод шинээр байгуулах гэж байна. Эдгээр сургуульд багшаар ажиллах хүсэл, сонирхолтой багш нарыг нөөцийн сонгон шалгаруулалтад урьж байна. Үүнд:


Ажлын байранд тавигдах шаардлага

-Багшийн мэргэжлийн чиглэлээр бакалавраас доошгүй боловсролын зэрэгтэй байх
-Ерөнхий боловсролын сургууль эсхүл багш бэлтгэх сургуульд 3-аас доошгүй жил мэргэжлээрээ ажилласан туршлагатай байх;
-Аймаг, улс, олон улсын уралдаан тэмцээнд сурагчид нь болон өөрөө амжилттай оролцсон байх;
-Ерөнхий мэдлэгийн шалгалтад сурагчид нь улсын дунджаас дээгүүр оноо авсан байх;
-Хүүхэд, багш нартай ажиллах зан суртахуун, ёс зүй, харилцааны өндөр соёлтой байх;

-Хувийн зохион байгуулалт сайтай, багаар ажиллах ур чадвартай байх;
-Компьютерийн хэрэглээний программуудыг ашиглах чадвартай байх;
-Англи хэлний дундаж болон түүнээс дээш түвшний мэдлэгтэй байх;
-Тогтвор суурьшилтай, бүтээлчээр ажиллах хүсэл, эрмэлзэлтэй байх;
-Гэмт хэрэгт холбогдоогүй, багшийн ёс зүйн алдаа гаргаагүй байх;

Хязгаарлалт

Кембрижийн (CIE) болон олон улсын бакалавриат (IB) хөтөлбөрөөр хичээллэж буй сургуульд ажиллаж байгаа багшийг сонгон шалгаруулалтад оролцуулахгүй.  

Бүрдүүлэх материал

1.Өргөдөл
2.Төрийн албан хаагчийн анкет
3.Дипломын хуулбар /Бүртгүүлэхдээ эх хувийг хамт авчирна/
4.Иргэний үнэмлэхний хуулбар /Бүртгүүлэхдээ эх хувийг хамт авчирна/
5.Ажил байдлын тодорхойлолт
6.Цагдаагийн газрын тодорхойлолт

Материалыг 2011 оны 8 дугаар сарын 26-ны өдрийг дуустал Монгол Улсын Боловсролын Их Сургуулийн төв байрны нэгдүгээр давхрын 115 тоотод байрлах “Бага, дунд боловсролын стандарт, сургалтын хөтөлбөрийн шинэчлэлийг дэмжих нэгж” ажлын өдрүүдэд 9:00-18:00 цагт хүлээн авна.     
Нэмэлт мэдээлэл, тодруулгыг 263653 утаснаас лавлана уу.

Кембрижийн ерөнхий боловсролын олон улсын хөтөлбөрөөр монгол, англи хос хэлээр хичээллэх төрийн өмчийн лаборатори сургуулиудад суралцах хүсэлтэй сурагчдыг сонгон шалгаруулалтад урьж байна

Улаанбаатар хотод байгуулагдах, Кембрижийн ерөнхий боловсролын олон улсын хөтөлбөрөөр монгол, англи хос хэлээр хичээллэх, төрийн өмчийн лаборатори сургуулиудын VII, VIII, IX ангиудад сурагчдыг сонгон шалгаруулж элсүүлнэ. Сонгон шалгаруулалтад оролцох хүсэл сонирхолтой сурагчид дараах шаардлагыг хангасан байна. Үүнд:

-2010-2011 оны хичээлийн жилд Ерөнхий боловсролын сургууль /Кембрижийн (CIE) болон Олон улсын бакалавриатийн (IB) хөтөлбөрөөр хичээллэж буй сургууль хамаарахгүй/-ийн V, VII, YIII ангийг төгссөн бөгөөд тухайн ангид судалсан хичээлүүдийн жилийн эцсийн дундаж үнэлгээ 80 хувь буюу түүнээс дээш байх.

Сонгон шалгаруулалтад бүртгүүлэхдээ доорх материалыг бүрдүүлнэ. Үүнд:

1.Суралцахыг дэмжсэн эцэг, эх, асран хамгаалагчийн гаргасан хүсэлт
2.Төрсний гэрчилгээний хуулбар /Бүртгүүлэхдээ эх хувийг авчирна/
3.Сурагчийн хувийн хэрэг /Шалгалтын дараа буцааж олгоно/
4.Сурагчийн одоогийн сурч буйг болон үнэлгээний дунджийг баталгаажуулсан сургуулийн тодорхойлолт
5.Шалгалтын хураамж 10000 төгрөг.

Бүртгэлийг 2011 оны 8 дугаар сарын 15-наас 8 дугаар сарын 26-ныг дуустал ажлын өдрүүдэд 9:00 –18:00 цагт Боловсролын үнэлгээний төвийн байранд зохион байгуулна.

Сурагчдаас математикийн болон англи хэлний шалгалт авна.   

Шалгалтыг 2011 оны 8 дугаар сарын 27-ны өдрийн 10:00 цагаас зохион байгуулж VII ангид 80 сурагч,  VIII ангид 80 сурагч, IX ангид 105 сурагчийг тус тус шалгаруулна.

Шалгалт өгөх газрыг бүртгэлийн үед зарлана.

Шалгалтын дүнг 2011 оны 8 дугаар сарын 27-ны өдөр Боловсролын үнэлгээний төвийн www.eec.mn цахим хуудсаар олон нийтэд мэдээлнэ.

Жич:  
-Бүрдүүлэх материал дутуу, сонгон шалгаруулалтад тавигдах шаардлагын аль нэгийг хангаагүй сурагч сонгон шалгаруулалтад оролцох боломжгүйг анхаарна уу.
-Шалгалт авах, материал засах, дүнг мэдээлэх үйл явцыг ажиглах хүсэлттэй хэвлэл мэдээллийн байгууллагууд 2011 оны 8 дугаар сарын 26-ний өдөр Боловсролын үнэлгээний төвд хүсэлт гаргаж, эрх авна уу.

Тодруулгыг Боловсролын үнэлгээний төвийн 70119409, 70119498, 70118486 дугаарын утсаар  лавлана уу.


Боловсрол, Соёл, Шинжлэх ухааны яам
Боловсролын Үнэлгээний төв