БАЯНГОЛ ДҮҮРГИЙН ГЭР ХОРООЛЛЫН АЙЛ ӨРХИЙН ХОГ ТЭЭВЭРЛЭХ ЭРХИЙН ТӨСӨЛ ШАЛГАРУУЛАЛТЫН ЗАР МЭДЭЭ

Та бүхнийг Баянгол дүүргийн гэр хорооллын айл өрхийн хог хаягдлыг тээвэрлэх эрхийн төсөл шалгаруулалтанд оролцохыг урьж байна. Төсөлд оролцогч нь дараах хүснэгтэд байгаа мэдээллийг ашиглаж тооцоо хийж төсөл ирүүлнэ.

1. Бүсийн талаарх мэдээлэл:

*НЭХЦ-Нарангийн энгэрийн хогийн цэг

*Гэр хороололд амьдардаг нэг иргэнээс өдөрт үүсэх хогны дундаж хэмжээг  800 грамаар тооцох ба энэхүү тоог тухайн бүсээс тээвэрлэх нийт хогны хэмжээг тооцоход ашиглана.

2. Хог цуглуулж, тээвэрлэх үйлчилгээнд тавигдах шаардлага:

- Хог тээвэрлэх тусгай зөвшөөрөлтэй байх /”Аж ахуйн үйл ажиллагааны тусгай зөвшөөрлийн тухай хууль”-ийн 15.14.5-р заалт/;
- Тухайн бүсийн нутаг дэвсгэрт үүссэн ил задгай хог хаягдлыг бүрэн цэвэрлэх, ил задгай хоггүй байлгах;
- Гэр хорооллын хог хаягдал тээвэрлэх автомашин нь хог бүтээх бүтээлэгтэй байх;
- Хог ачиж цуглуулах, тээвэрлэх үйлчилгээг үзүүлэхдээ харилцааны соёлтой байх;
- Хог хаягдлыг ачиж, цуглуулахдаа ил задгай хог хаягдал үүсгэхгүй байх;
- Хог хаягдлыг тээвэрлэхдээ хог хаягдлыг ил гаргахгүй, цэвэр байдлыг хангах;
- Хог тээврийн автомашиныг ажил дууссаны дараа угааж цэвэрлэн ариутгалд оруулж байх;
- Хог ачиж цуглуулах, тээвэрлэх үйлчилгээнд ажиллахдаа хөдөлмөр хамгааллын хувцас хэрэглэл, багаж хэрэгслэлийг бүрэн бүрдүүлж ажиллах /хамгаалалтын малгай, цацруулагч, байгууллагын лого, ажилтны нэр бүхий хувцас, бээлий маск, хамгаалалттай ажлын гутал, хамгаалалтын нүдний шил, хүрз г.м./ ;
- Шалгарсан бүсэд ажиллаж байгаа автомашинаар өөр бүсэд хог цуглуулж, тээвэрлэхгүй байх, шалгарсан тохиолдолд машин бүрт байршил тогтоох хяналт систем /GPS/ суурилуулж ажиллах;
- Өөрийн өмчийн машинтай байх

3. Бүрдүүлэх материал, боловсруулах баримт бичгийн жагсаалт:

- Хөрөнгийн баталгаа, төлбөрийн чадварын талаарх мэдээлэл;
- Тухайн бүсийн хог ачиж цуглуулах, тээвэрлэх менежментийн санал /хороо, дүүрэг, иргэдийн хамтын ажиллагаа, тухайн бүсийг хоггүй байлгах арга хэлбэр гэх мэт/;
- Хог ачиж цуглуулах, тээвэрлэх хуваарь, маршрут;
- Машин техникийн дэлгэрэнгүй мэдээлэл, одоогийн нөхцөл байдал, сэлгэн ажиллуулах хуваарь;
- Машин техникийн засвар үйлчилгээний талаарх мэдээлэл;
- Сонгон шалгаруулалтанд оролцогчийн туршлагын мэдээлэл;

4. Шалгаруулалтад оролцогчдыг бүртгэх болон төслийг ирүүлэх эцсийн хугацаа:

Шалгаруулалтад оролцох хүсэлтэй иргэн, аж ахуйн нэгж, байгууллага нь 2014 оны  05-р сарын 30-ны өдрийн дотор төсөл хүлээн авах хаягаар ирж бүртгүүлэх ба төсөл шалгаруулах журам, НИТХ-ын тогтоол, холбогдох зөвлөгөөг авч болно.

Төсөл хүлээн авах эцсийн хугацаа: 2014 оны 05-р сарын 30-ны өдрийн    Даваа гаригийн 12:00 цаг

5. Төслийг хүлээн авах газрын хаяг, харилцах утасны дугаар:

Баянгол дүүрэг, Засаг даргын Тамгын газрын өргөтгөлийн 304 тоот, Дэд бүтэц, тохижилтын хэлтэс, Утас: 99048734, 70130953