Олон сая долларын ашиг орлогоор дэлхийд тэргүүлсэн "Сая долларын бүсгүй", "Аймшигт гол" гэх мэт олон кинонд ажилласан найруулагч Клинт Иствүд 1930 оны энэ өдөр мэндэлсэн. "Сая долларын бүсгүй" 2004 оны кино академийн наадмаас дөрвөн төрөлд шалгарч, шилдэг киноны жагсаалтыг хэдэн долоо хоногийн турш тэргүүлсэн. Иствүдийн хувьд уг наадмаас шилдэг найруулагчийн шагналыг дөрвөн удаа, хүндэтгэлийн шагналыг нэг удаа хүртсэн нь түүний авьяас чадварыг илтгэсэн хэрэг. Түүнээс өөр хүн "Сая долларын бүсгүй"-г ийм алдарт хүргэж чадах байсан гэдэгт олон хүн эргэлздэг аж. Алдартай найруулагнаас гадна чамгүй сайн жүжигчин. Ихэвчлэн хатуу чанд, хүйтэн хөндий сэтгэлтэй хүний дүр бүтээдэг хэмээн ойр дотных нь хүмүүс түүнийг шүүмжилдэг тухай ч тэрбээр ярьдаг. Энэ нь хүйтэн дайны үед туулж өнгөрүүлсэн хүнд бэрх өдрүүдийн дурсамжтай холбоотой гэдэг. Тэгээд ч тэрбээр хүйтэн дайны үеийн сэдэвтэй "Иво Жимагийн захидлууд", "Бидний аавуудын туг" зэрэг бүтээл туурвисан. Тэдгээр нь мөн л олны дунд шуугиан тарьсан гайхалтай бүтээл болж чадсан юм. Онцлон хэлэхэд Клинт Иствүд шилдэг найруулагчийн шагналыг нэг киногоор хоёр удаа хүртсэн хоёр хүний нэг аж.

Ц.Зул