Өчигдөр үдээс өмнөх хуралдаанаар аймгийн ИТХ-ын даргаар АН-ын Хэрэг эрхлэх газрын дарга Ч.Чимэдийг сонгож, хурлын тэргүүлэгчээр 11 төлөөлөгчийг сонгов. Тэгвэл үдээс хойшхи хуралдаанаар аймгийн Засаг даргыг сонгож, ирэх оны төсвийг хэлэлцэх байсан ч МАН-ын бүлэг удаа дараа завсарлага авч, эцэст нь хурал хаясанаар АН-ын 25, МАХН-ын 1, нийтдээ 26 төлөөлөгч хуралдаж аймгийн Засаг даргаар Д.Цэндсүрэнг 100 хувийн саналаар дэмжин Ерөнхий сайдад өргөн мэдүүлэхээр болсон юм.

Аймгийн ИТХ-ын анхдугаар хуралдаанаар ирэх оны төсвийг батлахаар хэлэлцэж байгаа бөгөөд энэ хуралдаанд МАН-ын бүлгийн гишүүд сууж байна. Аймгийн ИТХ-д 41 төлөөлөгч сонгогдсоноос МАН-ын хоёр нэр дэвшигчийн бүрэн эрхийг аймгийн Сонгуулийн хороо түр түдгэлзүүлээд байна. Тодруулбал, Өмнөговь суманд ялалт байгуулсан Д.Даваасүрэн, Улаангом сумын 10 дугаар багт ялалт байгуулсан Ц.Батболд нарыг сонгуулийн сурталчилгааны үеэр эд зүйл тараасан гэх гомдлыг аймгийн АН-аас гаргаж, энэ нь анхан шатны шүүхээр шийдвэрлэгдсэн тул аймгийн Сонгуулийн хороо тэдний бүрэн эрхийг түр түдгэлзүүлээд байгаа юм.  

Б.Батхүү