Монголчууд бид үндэсний баяраараа дээл, бүс, малгай, хөөргөөрөө гангарч уран чамин хийц бүхий гоёл чимэглэлээр биеэ гоёдог. Энэ хэрээр Монгол үндэсний хувцас ч загвар хийц, үнэ ханшийн хувьд онцгойрч байгааг иргэд хэлж байна.

Ойрын өдрүүдийн хамгийн эрэлттэй бараа бүтээгдэхүүний нэг болох дээл хувцасны үнэ ханшийг хүргэж байна. Төрийн гурван өндөрлөгөөс эхлээд дөнгөж төрсөн нярайд зориулж урласан дээл хувцас Нарантуул захын лангуун дээр хэдэн төгрөгийн ханштай байгаатай танилцана уу.

Хос дээлний сонголт арвин байна

Хос дээл хамгийн эрэлттэй байна гэдгийг тус захын дээлний худалдаа эрхлэгчид онцлов. Загвар хийц, материалаас хамаарч 200-4.5 саяд үнэлэгдэж байгаа дээл, хантаазны борлуулалт cap шинэ хаяанд тулсан энэ үеэр дээд цэгтээ тулжээ. Үүнд, солонгос даавуугаар урласан хос дээлний үнэ 280-320 мянган төгрөг байгаа бол ноос ноолууран хос дээл 420-450 мянган төгрөг байна. Драп материалаар оёсон хос дээл 220-250 мянган төгрөг байгаа бол хятад даавуугаар урласан хос дээл 200-280 мянган төгрөгөөр борлуулагдаж байна. Мөн гурван хос дээл 450-800 мянган төгрөгөөр лангуун дээр үнэлэгджээ.

Дан дээл жирийн хэрэглээ гэнэ

-Солонгос даавуун дан дээл 90-180 мянган төгрөг
-Ноос ноолууран дээл 120-250 мянган төгрөг
-Драп материалаар урласан дан дээл 70-120 мянган төгрөг
-Хятад даавуун дан дээл 70-100 мянган төгрөг
-Хурган дотортой дээл 1.2-1.5 сая төгрөг
-Хантааз 50-180 мянган төгрөг
-Булган хантааз 4.5 сая
-Хүүхдийн дээл 45-220 мянган төгрөг
-Хүүхдийн хантааз 30-70 мянган төгрөг
-Суран бүс 25-60 мянган төгрөг
-Чимэглэлтэй бүс 20-30 мянган төгрөг
-Үнэгэн малгай 65-80 мянган төгрөгийн үнэтэй.

Г.Золбоо