Үндэсний Номын Сан шинэ салбарынхаа нээлтэд бэлтгэж, сан хөмрөгөөсөө 534 мянган, орчин үеийн ном хэвлэлийг  шилжүүлжээ. Номыг зориулалтын гялгар уутаар битүүмжлэн, цаасан хайрцагт савлаж, мэргэжлийн байгууллагуудын хяналт дор шилжүүлсэн байна.

Одоо уншлагын шинэ танхимуудад ном байрлуулах ажил хийж байна. Шинэ салбар нь 16 төрөлжсөн уншлагын танхимтай.

Шинэ номын сангийн барилгад үйл ажиллагааг эхлүүлснээр иргэдэд үйлчлэх хүртээмж нэмэгдэж, ном, хэвлэмэл бүтээгдэхүүний соёлын бүтээлч үйлдвэрлэлийг нэмэгдүүлэх боломж бүрдэнэ. Номын сангийн үйл ажиллагаа өргөжиж, иргэд шинжлэх ухаан, танин мэдэхүйн мэдлэг, ойлголтоо нэмэгдүүлэх, мэдээлэл авч, сурч хөгжих, чөлөөт цагаа үр бүтээлтэй өнгөрүүлэх, харилцан туршлага солилцоно гэж үзжээ.