Японы Сомин-сай буюу “нүцгэн хүний баяр” гэж алдаршсан наадмын үеэр эрчүүд хоорондоо барилдан, голын хүйтэн усанд ордог байна. Энэхүү наадам нь жил бүрийн сар шинийн долооны өдөр Иватэ мужийн Кокүсэкижи сүмд болдог аж.

Наадмын үеэрх содон зан үйлүүдийг харах гэж гаднын жуулчид олон мянгаар ирдэг байжээ. Гэвч уг уламжлалт наадмыг дахин зохион байгуулахааргүй болсон байна.

Учир нь эл баяр 1000 гаруй жилийн турш үргэлжилж байгаа боловч залуус оролцох идэвх, сонирхол нь буурчээ.  Япон Улсын хүн ам 1980 оноос хойш тасралтгүй буурсаар өндөр настны тэтгэвэр, эрүүл мэндийн тусламж үйлчилгээг санхүүжүүлэх сорилттой тулгараад байгаа юм.  

Уг наадмыг зохион байгуулагчид уламжлалт наадмынхаа зан үйлийн шаардлагыг биелүүлэх чадвартай, хүсэл эрмэлзэлтэй залуу оролцогчдыг олж чадаагүй гэдгээ хүлээн зөвшөөрсөн байна.

Кокусекижи сүмийн лам Дайго Фүжинами цахим хуудаснаа "Сомин-сай наадмыг дахин зохион байгуулахгүй байх шийдвэр нь насжилт, оролцох хүсэлтэй дараагийн үеийнхэн цөөрч буйтай холбоотой" гэж бичжээ.  

Эх сурвалж: CNN