Үндэсний портал GoGo.mn өөрсдийн  бүтээгдэхүүн үйлчилгээнийхээ талаар "Хэрэглэгчдийн судалгаа" -г ес хоногийн турш амжилттай явууллаа.  

Бид тус судалгаанд оролцсон хэрэглэгчдээ урамшуулах зорилгоор нэг азтанг тодруулж "Nokia 5230" загварын гар утсаар бэлэг барих тухай мэдээлж байсан. Өнөөдөр азтнаар тодорсон GoGo.mn сайтыг хэрэглэгч Р.Пүрэвбатад шагналыг нь гардуулан өгсөн юм.

Ингээд судалгааны азтан болсон бүсгүйгээс сэтгэгдлийг нь сонслоо.

-Азтан болсонд баяр хүргэе. Юуны өмнө уншигчдад өөрийгөө танилцуулахгүй юу?
-Баярлалаа. Намайг Рэгзэнгийн Пүрэвбат гэдэг. МСМ компанид Прашак хэлтсийн админаар ажилладаг.

-Судалгаанд оролцож азтан болно гэж төсөөлж байв уу?
-Ёстой төсөөлөөгүй юм байна. Өмнө нь ч аливаад азтан болж байсангүй. Харин өчигдөр GoGo.mn сайтаас надад азтан болсон талаар мэдэгдэх үед нь манай ажлынхан л мессенжерээр тоглож байна гэж бодоод итгээгүй. Тэгсэн азтан болчихсон байлаа.

-Үндэсний портал GoGo.mn сайтаас явуулсан судалгаанд хэзээ оролцсон бэ?
-Би GoGo.mn сайт руу өдөр болгон орж цаг тутамд мэдээлэл авч байдаг юм. Өнгөрсөн даваа гаригт судалгаа явуулж байгааг мэдээд азаа үзье гэх зорилгоор биш зүгээр хэрэглэгч талаасаа л судалгаанд хамрагдъя гэж бодсон.

-Та хэрэглэгчийн үүднээс GoGo.mn сайтыг дүгнэвэл...?
-Бусад сайттай харьцуулахад мэдээ мэдээллийг чанартай, шуурхайгаар олон нийтэд хүргэж чаддаг. Бас GoGo Share-г ашиглахад их хялбар байдаг учраас би үргэлж ажилдаа хэрэглэдэг. Мөн дуртай үедээ цаг үедээ хит болж байгаа дуугаар Hi Tone-оо шинэчилдэг дээ. Энэ бүхэн нэг дор байдаг учраас би энэ сайтаар ажлын зав зай гарангуут л орж байдаг юм. Энэ завшааныг ашиглаад хэрэглэгчдээ гэнэтийн бэлэг барьж байдаг GoGo.mn сайтын хамт олонд талархаж байгаагаа илэрхийлье.