Дорноговь аймгийн түүхт 94 жилийн ой, говийн тавдугаар дүрийн ноён хутагт Лувсанданзанравжаагийн мэндэлсний 222 жилийн ойн баяр наадам өнөөдөр эхэллээ.

Аймгийн цол олгох баяр наадмын хүчит бөхийн барилдаанд Улсын арслан Ц.Содномдорж, Э.Оюунболд, Ц.Бямба-Отгон, Р.Пүрэвдавга нар зодоглохоор ирсэн байна.

Мөн Улсын гарьд Ш.Жаргалсайхан, Улсын заан Д.Баасандорж, Б.Батмөнх, Ц.Одбаяр, улсын харцага Б.Зоригтбаатар, О.Мөнх-Эрдэнэ нар барилдах аж.

Энэ өдөр Увс аймгийн түүхт 100 жилийн ой давхцан эхэлсэн ч арслан цолтой бөхчүүд барилдаагүй юм.