Ням гарагт АНУ-ын ерөнхийлөгч Дональд Трамп Ираны цөмийн байгууламжид амжилттай довтолсон хэмээн зарласан.

Үүний дараа дэлхий нийтэд Ираныг ямар хариу арга хэмжээ авах бол гэсэн хүлээлт үүсээд байна.

Трамп Ираны цөмийн гурван байгууламжид цохилт өгсөн гэсэн юм. Пентагоноос бүх байгууламж ноцтой хохирол амссан гэж мэдээлсэн ч довтолгооны нөлөө ямар хүрээнд байсныг удахгүй үнэлнэ гэж мэдэгдсэн.

Израилын талаас АНУ-ын довтолгоог мэдэж байсан бөгөөд тэдэндтэй хамтран ажиллаж байгаа гэдгээ мэдээлсэн. 

Ираны тал АНУ-ыг давж болохгүй "улаан шугам"-ыг маш ноцтойгоор давлаа хэмээсэн. НҮБ дахь Ираны төлөөлөгч Аюулгүйн зөвлөлийн яаралтай хуралдааны үеэр АНУ “дипломат харилцааг үгүй хийх шийдвэр гаргалаа” хэмээн мэдэгдэж, Ираны цэргийнхэн “хариу арга хэмжээний хугацаа, цар хүрээг” өөрсдөө тодорхойлох болно гэв.

Мөн Гадаад хэргийн сайд нь Москваг зорьсон байна. 

АНУ-ын онилсон цөмийн байгууламжуудын дунд Ираны цөмийн хөтөлбөрийн гол цөм гэгдэх Фордо байгууламж мөн багтсан.

Тус байгууламжийг зөвхөн Америкийн бөмбөгөөр устгах боломжтой гэж үздэг. Хиймэл дагуулын зургаас ажиглавал Фордо цөмийн байгууламж бараг устсан гэж байгаа ч эргэлзээтэй хэвээр байна. 

Фордо нь Их Британи, Францыг далай доогуур холбодог хонгилоос ч гүнд байдаг гэж үздэг учир одоогоор Израилын зэвсэгт тус байгууламжид цохилт онилж өгөх бөмбөг байхгүй.

Харин АНУ-д л ийм гүн рүү нэвтрэн цохилт өгч чадах GBU-57 Massive Ordnance Penetrator (MOP) хэмээх бөмбөг байдаг аж. Энэ бөмбөг 13 мянган кг жинтэй бөгөөд 18 метр бетон, 61 метр хөрсийг нэвтэлж, дэлбэлэх чадвартай аж.

Фордог газрын гадаргуугаас 80-90 метрийн гүнд байдаг гэж үздэг.

Эх сурвалж: АР