Зам, тээврийн сайд Б.Дэлгэрсайхан авто тээврийн байгууллагуудад аялал жуулчлал, тээвэрлэлтийн зохицуулалт, үнийн тогтвортой байдлыг хангах чиглэл хүргүүллээ.  

Цахилгаан болон хосолмол хөдөлгүүртэй автомашины хэрэглээг дэмжиж, ийм төрлийн тээврийн хэрэгслийг дугаарын хязгаарлалтаас чөлөөлнө гэв.
 
Манай улсад цахилгаан (EV) болон хосолмол (hybrid) автомашины нэгтгэсэн, албан ёсны нийт тоог тогтмол шинэчилдэггүй. 

Цахилгаан автомашины тоо
2023 оны сүүлчээр Монголд 1,061 цахилгаан тээврийн хэрэгсэл бүртгэжээ. Энэ тоо жил бүр хурдтай өсөж байна. Засгийн газрын зорилт 2026 он гэхэд 20 мянгад хүргэх юм.

Хосолмол (Hybrid) автомашины тухайд импортын автомашины дийлэнхийг Япон, Солонгосоос худалдан авдаг. Зах зээлд хосолмол авто машин (Приус, Акуа гэх мэт) цахилгаан машинаас илүү өргөн хэрэглээтэй байна.  

2025 онд импортолсон 90 мянган суудлын автомашины 320 нь цахилгаан машин байжээ. Харин БНХАУ-аас импортолсон машины 21 хувь нь цахилгаан байна.