Газрын тос экспортлогчдын холбоо (ОПЕК) энэ сарын 17-нд Алжирт болох хуралдаанаараа хар алтны олборлолтоо өдрийн 2-2.5 сая баррелиар бууруулах талаар авч хэлэлцэх юм. Эдийн засагчид ОПЕК олборлолтоо гарцаагүй бууруулна гэж үзэж буй нь газрын тосны үнэ өсөхөд хүргэв.

Энэ сар гарснаас хойш анх удаагаа газрын тосны үнэ 49 ам.долларт хүрээд байна.  Саудын Араб газрын тосны олборлолтоо найман хувиар бууруулсан тухайгаа зарласан нь ч үүнд нөлөөлсөн аж.

Түүнчлэн ОХУ газрын тосны олборлолтоо өдрийн 300-400 мянган баррелиар буулгаж магадгүй хэмээн судлаачид мөн  үзэж байна.

Б.Солонго