УИХ-ын өнгөрсөн оны 12 дугаар сарын 19-ны өдрийн хуралдаанаар Хуулийн этгээдийн улсын бүртгэлийн тухай хуульд нэмэлт өөрчлөлт оруулсантай холбогдуулж ТББ-ын бүртгэлийг түр хугацаагаар зогсоогоод байсан. Хуулиар холбоо, сан, шашны байгууллага, хэвлэл мэдээллийн хэрэгслийг хууль зүй хариуцсан төрийн захиргааны төв байгууллага буюу ХЗДХ-ийн яаманд бүртгэдэг байсныг болиулж Улсын Татварын ерөнхий газрын харьяа Улсын бүртгэлийн албанд төвлөрүүлэхээр болсон. Үүний дагуу энэ сараас тус албанд бүртгэлийн арга хэмжээ эхлээд байна. /Сүхбаатар дүүргийн V хороо Монгол Даатгал компанийн байрны нэгдүгээр давхар/

Хуулийн этгээдийн улсын бүртгэлийн тухай хуульд хуулийн 7.1.11-д нөхөрлөл компани, хоршоо, төрийн өмчит аж ахуйн тооцоотой үйлдвэрийн газар, холбоо, сан, шашны байгууллага, хэвлэл мэдээллийн хэрэгсэл зэрэг хуулийн этгээдийг улсын бүртгэлийн асуудал эрхэлсэн төрийн байгууллага, түүний орон нутаг дахь салбар бүртгэнэ хэмээн өөрчлөн найруулсан юм.