Өнгөрсөн жилээс үндэсний дээд лиг “Хүрхрээ” хэмээн алдраа өөрчлөхөд түрүүлсэн “Эрчим” энэ улиралд ч аваргын цомоо хамгаалахад ойрхон байна.

Дээд лигийн есөн удаагийн аварга “Эрчим”, “ШМ Баянгол”-ыг энэ улиралд талбайдаа хүлээн авч 1:0-ээр хожоод байсан. Харин энэ удаагийн тоглолтод цомыг хамгаалагчид илүүрхэн тоглолоо. Өөрөөр хэлбэл эхний гоолыг Б.Эрхэмбаяр булангийн цохилтоос ирсэн бөмбөгийг мөргөж оруулсан. Харин удаах гоолыг лигийн мэргэн буучдын нэг Ишино Шута торгуулийн талбайн гаднаас гүйцэтгэсэн нарийн цохилтоороо оруулж, тооны харьцааг холдуулав. Тэгсэн ч тэдний оруулах гоолын тоо гүйцээгүй байж, 42 дахь минутад залуу тоглогч Т.Дөлгөөн тоог 3:0 болгосноор эхний хагас өндөрлөсөн.

Хоёрдугаар хагасын 62 дахь минутад М.Төгөлдөр гоол оруулсан бол 70 минутад Ишино Шута зүүн хөлийн гоёмсог цохилтоор тоог 5:0 болгосон. Хэдий “ШМ Баянгол”-оос Ишигави Сэйта торгуулийн цохилтоос гоол оруулсан ч энэ нь нэр төр төдий зүйл байлаа. Үндэсний дээд лигт 10 түрүүлэхэд ойрхон байгаа “Эрчим” ажлын өдрүүдээр “Улаанбаатар сити”-г хожих юм бол аваргын цомоо хамгаалах эрхтэй болно.