Туулайг хүн бүр зоригтой амьтан гэж үздэггүй хэдий ч Австралийн нэгэн гэрийн тэжээвэр туулай өөрийн эзнээ гал түймрийн аюулаас аварчээ.

Гэр бүлийн хос орой унтаж байх үеэр байшинд нь гал гарч, гэрт нь утаа суунаглаж эхэлжээ. Энэ үед тэдний тэжээдэг туулай унтлагын өрөөнд орж, чимээ гарган эздээ сэрээсэн байна. Байшин гал түймэрт ихээхэн автсан боловч гэрийн эзэд туулайны ачаар аюулаас мултарч чаджээ. Туулай гал түймрийн аюулаас эздээ аварч байсан тухай өмнө сонсож байгаагүй гэж гал сөнөөгчид ярьжээ. "Бид гал түймэрт амь насаа алдах боломжтой байсан ч туулайныхаа ачаар энд зогсож байна" гэж туулайн эзэн хэлжээ.

С.Отгонбаяр