Өмнөд Солонгосын "Samsung" компанийн захирал асан Ли Кун Хид Сөүлийн шүүх гурван жилийн тэнсэн өгч, мөн 109 сая ам.долларын торгууль төлүүлэхээр болжээ. Ли Кун Хи нь тус компанийг 20 жил удирдсан юм байна. Тэрбээр өнгөрсөн дөрөвдүгээр сард огцрох хүсэлтэй байгаагаа илэрхийлэн, компанийн эргэн тойронд болоод буй авлигын тухай маргааны хариуцлагыг өөрөө хүлээх болно гэдгээ ч мэдэгдэж байжээ.

Өдгөө 66 настай Ли Кун Хиг 114 сая ам.долларын татвар төлөхөөс зайлсхийсэн, итгэл хөсөрдүүлсэн хэрэгт буруутгажээ.