Цахилгаан, дулааны үнийг өнөөдрөөс нэмэх тухай хол­богдох байгууллагууд шийд­вэр гаргаад байгаа. Эрчим хүчний зохицуулах газрын Зохи­цуу­лагчдын зөвлөлийн XXVI хурал өнгөрсөн сарын 30-нд болж, төвийн бүсийн хэрэг­лэгчдэд борлуулах, ца­хилгаан дулааны үнэд өөрч­лөлт оруу­лахаар болжээ. Энэ хурлаар энгийн тоолууртай цахилгааны үнийг долоо, дулаанхыг 74 төгрөгөөр тус тус нэмэх шийд­вэр гарга­жээ. Харин хоёр тарифт тоо­луур­тай цахилгаа­ны үнийг 11-15 төгрөгөөр нэмэгдүүлэхээр болсон аж. Өөрөөр хэлбэл, орон сууц, гэр хороолол, албан байгуулла­гын эрчим хүчийг 30, дулааны үнийг 39 хувиар нэмэх санал­тай байгаа гэнэ.

Харин гурил, талх зэрэг хүнсний гол нэрийн бүтээг­дэхүүн үйлдвэрлэдэг үйлд­вэрүүдэд цахилгаан, дулааны үнийн хөнгөлөлт үзүүлэхээр болжээ. Ингэснээр "Талх чи­хэр", "Атар өргөө", "Алтан тариа", "Улаанбаатар гурил" зэрэг компанийн цахилгаан, дулааны үнийг тодорхой хуга­цаанд нэмэхгүй юм байна. Мөн "Цахилгаан тээвэр" ком­панийн хэрэглэсэн эрчим хүчний үнийг ч нэмэхгүй гэсэн санал­тай байгаа гэнэ.

Дугаар шилжих мөчид, Эрчим хүчний зохицулах газ­раас гаргасан саналыг мөр­дөх, эсэх талаар Сангийн яаман дээр Үнийн комиссын хурал үргэл­жилж бай­лаа.

Б.Цэцэгдэлгэр