Нийслэлийн Прокурорын газраас яллагдагч Ж.О-д “Арван дөрвөөс дээш арван найман насанд хүрээгүй хүнийг хүчиндсэн” гэмт хэрэгт холбогдуулан эрүүгийн хэрэг үүсгэж яллагдагчаар татан, түүнд “...эрүүгийн хэрэг хянан шийдвэрлэх ажиллагаанаас оргон зайлж болзошгүй...”, “...хохирогчид нөлөөлөх үндэслэл бүхий мэдээлэл байгаа...” гэх үндэслэлээр цагдан хорих таслан сэргийлэх арга хэмжээ авах тухай саналыг Дүүргийн эрүү, иргэний хялбар ажиллагааны тойргийн шүүхэд ирүүлжээ.

Шүүх саналыг хянан хэлэлцээд прокурорын саналыг хүлээн авахаас татгалзаж шийдвэрлэсэн. Гэвч шүүгчийн тус захирамжийг прокурор эс зөвшөөрч Ерөнхий шүүгчид гомдол гаргасныг 2026 оны 5 дугаар сарын 26-ны өдөр хянан хэлэлцсэн.

Улмаар прокурорын саналд дурдсан Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.1 дэх заалт заасан “...эрүүгийн хэрэг хянан шийдвэрлэх ажиллагаанаас оргон зайлж болзошгүй...”, 1.2 дахь заалтад заасан “...хохирогчид нөлөөлөх үндэслэл бүхий мэдээлэл байгаа...” гэх үндэслэл нь хэрэгт авагдсан нотлох баримтаар тогтоогдож байх тул шүүгчийн захирамжийг өөрчилж, яллагдагч Ж.О-д 2026 оны 5 дугаар сарын 26-ны өдрөөс 1 сарын хугацаагаар цагдан хорих таслан сэргийлэх арга хэмжээ авч шийдвэрлэв.  

Эх сурвалж: Дүүргийн Эрүү, Иргэний хэргийн хялбар ажиллагааны анхан шатны тойргийн шүүх