Улсын дуурь бүжгийн эрдмийн театрын захирлын албан үүргийг түр орлон гүйцэтгэгчээр Д.Алтанхуягийг энэ сарын 2-ны өдрөөс эхлэн эргүүлэн томилох Соёл, спорт, аялал жуулчлал, залуучуудын сайдын тушаал гарчээ.

Өмнө нь 2024 онд Соёл, спорт, аялал жуулчлал, залуучуудын сайд Ч.Номингийн  тушаалаар түүнийг УДБЭТ-ын захирлын үүргийг түр орлон гүйцэтгэгчээр томилсон. Гэвч 2025 оны 12 дугаар сард тухайн үеийн салбарын сайд Ч.Ундрамын тушаалаар түүнийг ажлаас нь чөлөөлсөн юм. Харин энэ удаад Соёл, спорт, аялал жуулчлал, залуучуудын сайд Ж.Алдаржавхлангийн тушаалаар ажилд нь эргүүлэн томилжээ. 

Улсын дуурь бүжгийн эрдмийн театрын захирлын албан үүргийг түр орлон гүйцэтгэгчээр Д.Алтанхуяг цахимаар сэтгэгдлээ илэрхийлсэн байна.