Гадаад харилцааны сайд Б.Батцэцэг 2026 оны 6 дугаар сарын 2-ны өдөр Монгол Улсаас Америкийн Нэгдсэн Улсын Сан Франциско хотод суух Ерөнхий консул Ж.Соёлмаад Консулын патентыг нь гардууллаа.

Консулын патентыг гардуулах үеэр Гадаад харилцааны сайд Б.Батцэцэг Сан Франциско дахь Ерөнхий консулын газрын тойрогт оршин суугаа иргэддээ төрийн үйлчилгээг чанартай, түргэн шуурхай үзүүлэх ёстойг онцолж, ажлын амжилт хүсэв.

Монгол Улсаас АНУ-ын Сан Франциско хотод суугаа Ерөнхий консулын газрын консулын тойрогт Аризона, Айдахо, Вашингтон, Вайоминг, Калифорни, Колорадо, Монтана, Невада, Нью Мексик, Орегон, Оклахома, Техас, Юта, Аласка, болон Хавай мужууд хамаарагддаг. 

Эх сурвалж: ГХЯ