Цагдаагийн байгууллагад "Хөвсгөл аймгийн Жаргалант сумын 5-р багийн нутагт хоёр настай хүүхэд цахилгааны тасарсан утасны үзүүрээс барьж, цахилгаан хүчдэлд цохиулж, нас барсан" гэх дуудлага иржээ.

Дуудлага, мэдээллийн дагуу шалгалтын ажиллагааг явуулахад цахилгааны модон шонгийн доод ёзоор өмөрч унаснаас болж цахилгааны утас тасарсан. Эл утсанд хүүхэд хүрсний улмаас амь хохирсон байж болзошгүй урьдчилсан нөхцөлийг тогтоосон байна.

Иймд ойр орчимд нь цахилгааны хазайсан тулгуур шон, ил гарсан, хэт уншсан шугамын утас байгаа бол, өөрийн болон ойр байдаг айлын цахилгааны оруулгын утас шалбарсан, гэмтсэн бол мэргэжлийн байгууллагад мэдээлж, яаралтай засуулж, аюулгүй болгохыг анхааруулж байна.

Эх сурвалж: ЦЕГ