Их Британийн Засгийн газрын шинэ саналын дагуу онгоцонд бусдад төвөг учруулдаг зорчигчдыг үндэсний хэмжээний хар жагсаалтад оруулж, ямар ч агаарын тээврийн компанийн нислэгээр зорчих эрхийг нь хасаж магадгүй байна.

Энэхүү тогтолцоо нь агаарын тээврийн компаниудад асуудал үүсгэдэг зорчигчдын талаарх мэдээллийг хоорондоо солилцох, улмаар тэдний нислэг ашиглах боломжийг хязгаарлах эрх олгох юм.

Зуны аяллын ачаалалтай улиралд согтууруулах ундаа хэрэглэсэн, танхайрсан болон асуудалтай зан авиртай зорчигчдын тоо эрс нэмэгддэг. Одоогийн байдлаар нэг агаарын тээврийн компаниас хориглосон зорчигч өөр компанийн нислэгийг захиалах боломжтой байдаг.

Хэрэв хэрэгжүүлбэл одоогийн хууль тогтоомжид өөрчлөлт оруулах шаардлагагүй гэж үзэж байгаа ч мэдээлэл хамгаалах дүрэм хэрхэн ажиллах нь одоогоор тодорхойгүй байна.

“Нисэх буудал дээр хүмүүс нэг аяга шар айраг ууж болох ч нислэгийн үеийн нийгмийн хэв журам зөрчсөн үйлдэл огт хүлээн зөвшөөрөгдөхгүй. Энэ нь зорчигчид болон нисэх багийнхны аюулгүй байдалд заналхийлж, хүмүүсийн удаан хүлээсэн амралтыг сүйтгэдэг” хэмээн засгийн газрын эх сурвалж мэдээлжээ.

Тээврийн яамны албаныхан энэ сарын хугацаанд агаарын тээврийн компаниудтай уулзаж, уг саналыг хэрхэн хэрэгжүүлэх талаар хэлэлцэхээр төлөвлөж байгаа аж.

Хэрэв хэрэгжүүлбэл одоогийн хууль тогтоомжид өөрчлөлт оруулах шаардлагагүй гэж үзэж байгаа ч мэдээлэл хамгаалах дүрэм, тухайлбал энэ тогтолцоо хэрхэн ажиллах нь одоогоор тодорхойгүй байна.

Одоогийн байдлаар GDPR-ийн /General Data Protection Regulation буюу Европын Холбооны Хувийн Мэдээлэл Хамгаалах Ерөнхий Журам/-sy дагуу зорчигчдын мэдээллийг компаниуд хоорондоо хуваалцахыг зөвшөөрдөггүй. Тиймээс нэг компанийн нислэгээс хориглогдсон зорчигч өөр агаарын тээврийн компанийн нислэгийг захиалах боломжтой хэвээр байдаг.

Эх сурвалж: BBC