Жефф Безосын эзэмшдэг Blue Origin компанийн  “New Glenn” пуужин Флорида мужид туршилтын үеэр дэлбэрчээ. 

Тус компани олон нийтийн сүлжээнд мэдээлэхдээ, ослын үеэр хүн бэртэж гэмтээгүй бөгөөд дэлбэрэлтийг “хэвийн бус үзэгдэл” гэж нэрлэжээ.

NASA-гийн сарыг дахин зорих, мөн ирэх хоёр жилийн дотор саран дээр бааз байгуулах төлөвлөгөө эрсдэлд орох магадлалтай байна.

Жефф Безос X платформд энэ талаар бичихдээ компанийн бүх ажилтнууд аюулгүй, бэртэж гэмтээгүй гэсэн ч “маш хүнд өдөр байлаа” хэмээжээ.

АНУ-ын зүүн цагийн бүсийн оройн 21:00 цагт хийхээр төлөвлөсөн “hotfire” туршилт эхэлснээс хэдхэн секундын дараа асар том галт бөмбөлөг үүсэж, Кеннеди Сансрын төвийн хөөргөх тавцанг бүхэлд нь сүйтгэжээ. Дэлбэрэлтийн улмаас үүссэн улбар шар өнгийн гэрэл Форт Пирс хотоос ч харагдсан бөгөөд тус хот нь ослын газраас өмнө зүгт 185 км-ийн зайтай юм.

Энэ төрлийн пуужинг Blue Origin компани NASA-гийн саран дээр буулгах төхөөрөмжүүдийг хөөргөхөд ашиглахаар төлөвлөж байсан бөгөөд цаашлаад сансрын нисэгчдийг саран дээр хүргэх зориулалттай байжээ.

Blue Origin-ийн үүсгэн байгуулагч Жефф Безос X платформд энэ талаар бичихдээ компанийн бүх ажилтнууд аюулгүй, бэртэж гэмтээгүй гэсэн ч “маш хүнд өдөр байлаа” хэмээжээ.

Мягмар гарагт NASA энэ онд хэрэгжүүлэхээр төлөвлөсөн гурван нислэгийн эхнийхийг Blue Origin компаниар гүйцэтгүүлэх гэрээ байгуулснаа зарласан байна. Эдгээр нислэг нь 20 тэрбум ам.долларын өртөгтэй сарны баазын бүтээн байгуулалтыг эхлүүлэх зорилготой.

Мөн тус компани SpaceX-тэй өрсөлдөн, 2028 онд хэрэгжүүлэхээр төлөвлөсөн Artemis IV хөтөлбөрийн сарны буулгагч төхөөрөмжийг нийлүүлэх тендерт оролцож байгаа аж. Энэ нь 1972 оноос хойш анх удаа хүн төрөлхтөн саран дээр буух үйл явдал болох юм.

Эх сурвалж: The Guardian