ОХУ төв банк болон томоохон санхүүгийн байгууллагууд нь тусгай хүчний оролцоогүйгээр дроны довтолгооноос хамгаалах систем ажиллуулах мөн ажилтнууд нь зэвсэглэх эрхтэй болох хууль баталжээ.

ОХУ-ын парламентын доод танхим болох Төрийн Думын мэдэгдэлд энэ талаар дурдсан байна.

Энэ дагуу Төв банк, Оросын хамгийн том банк болох Sberbank тэргүүтэй томоохон санхүүгийн байгууллагуудын ойролцоо хамгаалалтын системүүд байршуулах аж. 

Мөн дээрх байгууллагын ажилтнууд биедээ зэвсэг авч явахыг зөвшөөрөх юм байна.

ОХУ-ын Төрийн Думын санхүүгийн хорооны даргын хэлснээр дроны хамгаалалтын системийн зардлыг тухайн байгууллагууд өөрсдөө хариуцна. 

Мөн мягмар гарагт Оросын хамгийн нөлөө бүхий бизнесийн холбооны тэргүүн Александр Шохин ерөнхийлөгч Владимир Путинтэй уулзсан. 

Энэ үеэр тэрбээр компаниуд дэд бүтцээ дроны халдлагаас хамгаалахын тулд зэвсэг болон хамгаалалтын системийн санхүүжилтийг гаргахад бэлэн байгаагаа илэрхийлжээ.

Түүнчлэн Путин дайнд оролцох гэрээ байгуулсан цэргүүд болон тэдний гэр бүлийн гишүүдийг өр төлбөрөөс нь чөлөөлөх захирамжид гарын үсэг зураад байгаа юм. 

Эх сурвалж: Reuters