Монгол Улсын Төрийн соёрхолт, Соёлын гавьяат зүтгэлтэн, нэрт зохиолч, яруу найрагч, сэтгүүлч Шагдарсүрэнгийн Гүрбазар 2026 оны тавдугаар сарын 11-ний өдөр хүнд өвчний улмаас таалал төгсөж, Монголын соёл урлаг, утга зохиол, хэвлэл мэдээллийн салбарт нөхөж баршгүй хүнд гарз тохиолоо. 

Ш.Гүрбазар нь 1955 онд Дорноговь аймгийн Иххэт суманд төржээ.Тэрбээр Монголын соёл урлаг, утга зохиолын салбарт эх орон, тусгаар тогтнол, их түүх, зан заншил, өв соёл, хүн түүхийн сэдэвт олон зуун бүтээл туурвиж, түмэн олныхоо оюуны санд өргөсөн уран бүтээлч байлаа.

Яруу найрагч Ш.Гүрбазарын “Би Монголоороо гоёдог”, “Би Монголтойгоо адилхан”, “Монголын үнэртэй салхи” хэмээх гурван чандмань бүтээлд нь  2022 онд Төрийн шагнал хүртээсэн билээ. Монгол Улсын Ерөнхийлөгчийн зарлигт “Монгол сайхан эх орноо магтан дуулсан, хүүхэд залууст эх оронч сэтгэлгээг түгээн дэлгэрүүлсэн...” хэмээн онцлон тэмдэглэж, төр үнэлсэн байдаг.

Төрийн хүндтэй шагнал хүртээд “Би үнэхээр Монголдоо хайртай. Нойроо хугаслан дэвтэртээ эх орон гэж бичиж явсны минь гавьяа юм даа...” хэмээн талархлын үгээ хэлж байсан юм.

• 1977 онд Улсын Багшийн Их Сургуулийг төгссөн.
• 1970 оноос зохиол бүтээлээ туурвиж эхэлжээ.

Зохиол бүтээлүүд

• 1973 онд "Дугуй хээтэй наадам"
• 1978 онд "Цэргийн ар гэр" жүжиг
• 1993 онд "Сэрүүн зүүд" "Шөнийн сүүдэр" жүжгийн зохиолоороо "Монголын зохиолчдын эвлэлийн шагнал" хүртжээ.
• 2004 онд "Жаргаагүй нар" эмгэнэлт жүжгийн зохиолоороо "Алтан өд" шагнал хүртсэн юм.
• 1983 онд "Хүний хань" жүжиг
• 1986 онд "Итгэл" теле жүжиг
• 1988 онд "Сэрүүн зүүд" жүжиг
• 1989 он "Элдэв зураг" жүжиг
• "Хаврын сүүл сар" 1989 он
• "Зургийн багш буюу нарны шувуу" жүжиг 1989 он
• "Надаар тоглосон хайр" жүжиг
• "Жаргах гэж дурладдаггүй" жүжиг 2004 он 
• "Чамайгаа алдмааргүй байна" жүжиг 2005 он