SmartCar апликейшнаар 2026 оны нэгдүгээр сарын 10-наас хойш ногдуулсан замын хөдөлгөөний торгуулийг төлөх боломжгүй байсан. Энэ асуудлыг холбогдох албаныхантай хамтран ажиллаж шийдвэрлэжээ.

Ингэснээр иргэд SmartCar апликейшнаар:

• Улсын дугаараараа торгуулиа шалгах
• Хуучин болон шинэ торгуулиа нэг дороос харах
• QPay-ээр торгуулиа төлөх боломжтой болов.

SmartCar нь тээврийн хэрэгсэл эзэмшигчдэд зориулсан тээврийн хэрэгслийн нэгдсэн цахим үйлчилгээ юм. Энэ системээр мэдээлэл, үйлчилгээ хүргэхэд Сангийн яам, Татварын ерөнхий газар, Монгол банк, Үндэсний дата төв, Замын цагдаагийн газар, Авто тээврийн үндэсний төв, Албан журмын даатгагчдын холбоо зэрэг байгууллага хамтран ажилладаг.

Эх сурвалж: Замын хөдөлгөөний удирдлагын төв