Улаанбаатарын агаарын чанарын энэ сарын 04-ний (24 цагийн дунджаар)хяналт шинжилгээний хоногийн мэдээ 

РМ10 тоосонцор Таван буудал орчим агаарын чанарын стандартаас 60 мкг/м3 –ээр их, Яармаг орчим стандартаас 72 мкг/м3–ээр их байжээ.

Бусад цэгүүдэд MNS 4585:2025 АЧС-аас даваагүй байна. Хүхэрлэг хий (SO2) бүх цэгүүдэд MNS 4585:2025 АЧС-аас даваагүй.

Азотын давхар исэл (NO2) Баруун дөрвөн зам орчим стандартаас 2 мкг/м3 –ээр их, бусад цэгүүдэд MNS 4585:2025 АЧС-аас даваагүй.

РМ2.5 тоосонцор бүх цэгүүдэд MNS 4585:2025 АЧС-аас даваагүй. Нүүрстөрөгчийн дутуу исэл (СО) нь бүх цэгүүдэд MNS 4585:2025 АЧС-аас даваагүй байна.

РМ10 ТООСОНЦОР ХААНААС ҮҮСДЭГ ВЭ? 

PM10 (10 микрометрээс бага диаметртэй) тоосонцор нь голдуу механик үйлчлэлээр үүсдэг бүдүүн ширхэгт тоосонцор бөгөөд байгалийн болон хүний үйл ажиллагааны аль алинаас үүсэлтэй.

Байгалийн эх үүсвэр: Салхиар туугдан агаарт дэгдсэн хөрс шороо, элс, ургамлын үлдэгдэл, биоаэрозол, далайн давс
Хүний үйл ажиллагаа:

• Замын хөдөлгөөн: Автомашины дугуй замын гадаргуутай үрэлцэх, тоормослох үед үүсэх тоос
• Барилга, зам засвар: Барилгын материалын нунтаг (цемент, шохой), шороон замын тоос
• Үйлдвэрлэл, уул уурхай: Уурхайн үйл ажиллагаа, нунтаглах, бутлах процессууд.Шаталт: Нүүрс болон модны дутуу шаталтаас үүсэх үнс, утаа