Он гарсаар тавдугаар сарын 03-ны байдлаар улсын хэмжээнд нийслэлийн 2 дүүрэг, 10 аймгийн 42 суманд, 78 удаагийн ой, хээрийн гал түймэр бүртгэгдлээ. 

Энэ нь өнгөрсөн оны  мөн үетэй харьцуулахад 4.8 хувиар буурсан үзүүлэлттэй байгаа ч эрсдэл өндөр хэвээр байна.  

Сүүлийн долоо хоногт гэхэд Дорнод аймагт 4, Завхан аймагт 1, Хөвсгөл аймагт 3, Хэнтий аймагт 1, Сэлэнгэ аймагт 1 буюу нийт 10 удаагийн ой, хээрийн гал түймэр бүртгэгдэж, унтраах ажиллагааг зохион байгуулжээ.

Ой, хээрийн  гал түймрийн аюулаас 49 гэр, 25 өвөлжөө, хашаа саравч, 8 автомашиныг хамгаалж, 3 айл өрхийн 8 иргэн, 3760 орчим малыг нүүлгэн шилжүүлсэн гэж ОБЕГ-аас мэдээллээ.