Боловсролын сайд Л.Энх-Амгалан 2026 оны 5-р сард багтаан боловсролын салбар дахь барилгын компаниудын анхны хар жагсаалтыг зарлахаа мэдэгдлээ.

Тэрбээр, Сургууль, цэцэрлэг, дотуур байр барих тендерт олон удаа шалгарсан ч барилгын ажлаа гүйцээдэггүй, энд тэнд тендер авч сэглээд явдаг “туулай” нар маш олон байна.

Сургуулийг хамгийн бага өртгөөр барина гэж шалгарчихаад 5-6 жил гацаадаг. Энэ хугацаанд төсөв нь 10 дахин өссөн байдаг. Тиймээс Сангийн яамтай хамтарч энэ сардаа боловсролын салбарын хар жагсаалтад орсон компаниудыг зарлана.

Жагсаалтад орсон компаниуд цаашид сургууль, цэцэрлэг, дотуур байр барих эрхийг цуцална гэлээ.