Бэлчээр ба нүүдлийн мал аж ахуй эрхлэгчдийн олон улсын жилийн хүрээнд “Уур амьсгалын өөрчлөлтийн нөхцөл дэх мал аж ахуйн үйлдвэрлэлийг эрхлэх арга технологийг сайжруулах асуудал” сэдэвт олон улсын эрдэм шинжилгээний хурал 2026 оны 5-р сарын 6-нд болох гэж байна.

Энэхүү хуралд Монгол Улс болон БНХАУ, Швейцарь, Канад улсын эрдэмтэн, судлаачид оролцож, хүлэмжийн хийн ялгаралт, цаг амьсгал, орчны өөрчлөлт, амьтны генетик нөөц ба байгалийн бэлчээр, Монгол орны нөхцөл байдал, бэлчээрийн мал аж ахуйн арга, туршлага зэрэг өргөн сэдвийн хүрээнд 30 гаруй илтгэл хэлэлцүүлнэ.

Тухайлбал, Канад улсын Саскачеваны Их Сургуулийн Тариалангийн хөгжлийн төвийн судлаач, эрдэмтэн Якоб Зинсстаг, Швейцарийн халуун орны болон нийгмийн эрүүл мэндийн хүрээлэнгийн судалгааны хэлтсийн судлаач Билигэтү Билл, БНХАУ-ын Ланжоугийн их сургуулийн Экологийн коллежийн багш, судлаач Лонг Руйжун, Өвөрмонголын Хөдөө аж ахуйн их сургуулийн бэлчээрийн шинжлэх ухааны коллежийн багш, судлаач Ли Жигуо, мөн тус сургуулийн Хээрийн шинжлэх ухааны коллежийн багш, судлаач Ниту Ву, Өвөрмонголын Ойн аж ахуй, бэлчээрийн хяналт-шинжилгээ, төлөвлөлтийн хоёрдугаар академийн судлаач, эрдэмтэн Сарула Төмөрбүхэ нарын олон улсын нэр хүндтэй их сургууль, судалгааны хүрээлэнгийн эрдэмтэн, судлаачид болон манай улсын ХХААХҮЯ, харьяа байгууллага, эрдэм шинжилгээний хүрээлэнгүүд болон ХААИС-ийн судлаачид оролцож, илтгэл тавих юм байна.

Эх сурвалж: ХХААХҮЯ