Монголын олон улсын ба Үндэсний спортын арбитрын дэргэдэх допингийн Давж заалдах комисс Н.Өсөхбаярын өргөдлийг өнөөдөр /2026.04.24/ хэлэлцлээ. 

Эргэн санавал, 2025 оны Үндэсний их баяр наадмын барилдаанд найм давж үзүүрлэсэн Н.Өсөхбаярыг сэргээш хэрэглэсэн гэж шинжилгээгээр тогтоож байв.

Улмаар түүний цолыг хурааж, барилдах эрхийг нь дөрвөн жилээр хассан. 

Тэгвэл өнөөдрийн шүүх хурлаар Дэлхийн Допингийн Эсрэг Агентлаг (WADA)-аас ирүүлсэн мэйлийг орчуулах хугацаа шаардлагатай, шинжилгээ авах үеийн камерын бичлэг ирээгүй байгаа зэргийг үндэслэн шүүх хурлыг тавдугаар сарын 11-ний өдөр болгон хойшлуулахаар шийдвэрлэв.