2025 оны 4 дүгээр сарын 02-ны өдрийн Батлан хамгаалахын сайд, Гэр бүл, хөдөлмөр, нийгмийн хамгааллын сайдын хамтарсан “Заавар батлах тухай” А/95, А/81 дугаар тушаалаар батлагдсан “Цэргийн алба хаагчийн тэтгэвэр, тэтгэмжийн тухай хуулийг хэрэгжүүлэхэд баримтлах заавар”-ын 4.4 дэх заалтын Санамж 5-д дараах байдлаар заасан:

Алба хаагчийн томилсон, чөлөөлсөн тушаал, шийдвэр болон архивын лавлагаанд үндэслэн ажилласан жилийг нийгмийн даатгалын мэдээллийн сантай тулган шалгахад 1995 оноос хойш байгууллагад болон цэргийн байгууллагад ажилласан, 2011 оноос хойш цэргийн сургуульд сонсогчоор суралцсан, мөн 2024 оноос эмэгтэй алба хаагчийн хүүхдээ асарсан хугацаанд холбогдох шимтгэлийг нийгмийн даатгалын байгууллагад тайлагнан төлөөгүй тохиолдолд тухайн харьяа цэргийн байгууллага, эсхүл татан буугдсан бол харьяалах дээд байгууллага нь шимтгэлийг нөхөн төлөхөөр зохицуулсан.

Иймд дээрх хугацаанд цэргийн сургуульд сонсогчоор суралцсан хугацааг нягтлан тулгаж, хэрэв нийгмийн даатгалын шимтгэл төлөгдөөгүй бол холбогдох журмын дагуу нөхөн төлүүлэх арга хэмжээг авахыг Нийгмийн Даатгалын Газраас зөвлөлөө.