УИХ-ын нэгдсэн хуралдаан үргэлжилж байна. УИХ-ын гишүүн С.Эрдэнэболд Ерөнхий сайдаа, авлигатай тэмцэхэд танд яг ямар саад бэрхшээл байна? 

Ерөнхий сайд Н.Учрал хэлэхдээ, Надад зориг байна. Би хундаганы ард асуудал шийдэж, орой үдэш тендер наймаалцаж үзээгүй. Миний удирдлагын арга барил зарим хүнд таалагдахгүй байгаа нь үнэн. Бид нарын үеийн үзэж харсан зүйл өөр шүү. Миний зоригт бүү эргэлз. 

Бид хийрхсээр байгаад хэт баян, хэт ядуу хоёр бүлэгтэй болсон. Би үүнд эмзэглэдэг. Тиймээс авлигыг уг үндсээр нь устгахын төлөө Ерөнхий сайд болсон гэв.

УИХ-ын гишүүн Ш.Бямбасүрэн  Ерөнхий сайдаас асуулт асуув. Тэрээр, Монголчууд ЖДҮ-г мартаагүй. Зээл авсан хүмүүс өнөөдөр улс төрийн өндөр албан тушаалд хүрсэн. Тэднийг нэг нь та болон танай тэнхимийн гишүүд. Цаашид та зарчмын хувьд хэрхэн ажиллах вэ?

Ерөнхий сайд Н.Учрал, Улс төрд олон жил яваа хүн ард түмнээрээ шүүлгэх хэрэгтэй. Би тусгай сангийн бүх мэдээллийг ил болгосон хүн.  ЖДҮ-с нөлөөлөл ашиглаж, зээл авсан зүйлгүй. Хөдөлмөрлөж хүн болдог гэдгийг ээж аав минь амьдралаараа харуулж яваа. Надад ард түмнээсээ нуух нэг ч зүйл байхгүй. Миний бүх зүйл ил тод гэв.