Цахим хуудсанд өчигдөр (2026.04.15) иргэн Замын-Үүд дэх гаалийн газрын гаалийн улсын байцаагч нь албан үүрэгтэй холбоотой зөрчилтэй нөхцөл үүсгэсэн байж болзошгүй агуулгатай мэдээллийг хуваалцжээ.

Мэдээллийн дагуу холбогдох ажиллагааг явуулахад тухайн албан хаагч хууль бус үйлдэл гаргасан байж болзошгүй нөхцөл тогтоогдсон. Иймд Гаалийн Ерөнхий газрын даргын өнөөдрийн тушаалаар асуудлыг эцэслэн шийдэх хүртэл гаалийн улсын байцаагчийн эрхийг түр хугацаагаар түдгэлзүүлжээ.

Иргэд гаалийн байгууллагын үйл ажиллагаатай холбоотой гомдол, мэдээллийг Засгийн газрын 11:11 болон гаалийн лавлах 1800-1281 дугаараар өгөх боломжтой.

Эх сурвалж: Гаалийн ерөнхий газар