Хүний эрхийн үндэсний комиссоос хүний хувийн мэдээлэл хамгаалах асуудлаар мэдээлэл хийхээр болжээ. Учир нь цахим шилжилт, хиймэл оюунд суурилсан үйлчилгээ, аппликейшн, цахим бүртгэлийн хэрэглээ өргөжихийн хэрээр энэ төрлийн зөрчил гарсаар байна. 

Тухайлбал, Ардчилсан Намын цахим бүртгэл, “Таван богд Нура” ХХК-ийн эрт илрүүлэх эмнэлгийн үйлчилгээний систем, “Хотула” аппликэйшн зэрэг хувийн мэдээлэлтэй холбоотой эргэлзээтэй асуудлууд гарсан билээ. 

Хүний хувийн мэдээлэл хамгаалах асуудал нь хүний халдашгүй, чөлөөтэй байх эрх, хувийн нууц, нэр төр, аюулгүй байдалтай шууд холбоотой үндсэн эрхийн асуудал тул ийнхүү энэ асуудлыг хариуцсан ХЭҮК-ын гишүүн мэдээлэл хийх юм байна.