Монгол Улсын Тэргүүн шадар сайд бөгөөд Эдийн засаг, хөгжлийн сайд Ж.Энхбаяр Бүгд Найрамдах Хятад Ард Улсаас Монгол Улсад суугаа Онц бөгөөд Бүрэн эрхт Элчин сайд Шэнь Миньжуанийг хүлээн авч уулзлаа.

Талууд авто болон төмөр замын холболт, боомтын хүчин чадлыг нэмэгдүүлэх, ухаалаг боомтын шийдлийг нэвтрүүлэх асуудлаар ярилцлаа.

“Монгол Улс, ОХУ, БНХАУ эдийн засгийн коридор байгуулах хөтөлбөр”-ийн  хэрэгжилтийг эрчимжүүлэх чиглэлээр нягт хамтран ажиллахаар санал нэгдэв.

Түүнчлэн  холбогдох байгууллагуудын түвшинд үргэлжлүүлэн нягт уялдаатай ажиллахаар тохиролцжээ.

Эх сурвалж: ЭЗХЯ