Хууль зүйн байнгын хорооны хуралдаан (2026.04.14)-ний 10:00 цагт эхлэх товтой байсан ч ирц бүрдэлгүй хойшлогдон, 51.9 хувийн ирцтэйгээр 11:40 минутад эхэллээ.

Хуралдаанаар: 

• Монгол Улсын Үндсэн хуулийн цэцийн 2026 оны 02 дугаар дүгнэлт /Мэргэжлийн нэгдсэн холбооны эрх зүйн байдлын тухай хуулийн зарим зохицуулалт Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/
• Байнгын хорооны тогтоолын төсөл /Ажлын хэсэг байгуулах тухай/ хэлэлцэх юм.

УИХ-ын гишүүн Н.Алтанхуяг: Үндсэн хуулийн цэцийн гаргасан дүгнэлтийг дэмжиж байна. Мэргэжлийн нэгдсэн холбоо ТББ-ыг улсын дээд шүүх бүртгэнэ гэдэг нь буруу гэж үзэж байна. Нэгдүгээрт би энэ олон жилийн явцад юуг харж байна вэ гэхээр улсын дээд шүүхэд улс төрийн намыг бүртгэдэг нь буруу болжээ. 

Бид анхнаасаа үүнийг бүртгэлийн систем гэж харж байсан бол одоо зөвшөөрлийн систем болж хувирсан. Бараг дарга нь хэн байхыг цаанаасаа заагаад өгдөг болчихсон.

Гэхдээ энэ нь зөвхөн дээд шүүхэд биш бидэнд ч буруу байгаа. Намын тухай хуулиа либерал болгомоор байна. Үндсэн хуульд заачхаад байгаа болдоггүй хэдэн зүйлийг л хориглосон заалттай, ерөнхий "хөл" гаргаж өгмөөр байна.

Ингэхгүй бол буцаад коммунист намын бүтцээсээ салахаа байлаа шүү дээ.Үүнийг даруйхан засах хэрэгтэй" гэв.