Тал хээрийн хамгийн эртний амьтан, хээрийн экосистемийн эртний төлөөлөгчдийн нэг хонин тоодог шувууны талаарх сонирхолтой баримтыг хүргэе.

• Тоодогт өдөө норохоос хамгаалдаг тосыг ялгаруулдаг булчирхай байдаггүй тул борооны дараах хүйтрэлт маш аюултай. Учир нь норсон шувуу осгоход хүрдэг.
• Хоол боловсруулах үйл явцаа сайжруулахын тулд тоодог заримдаа жижиг “чулуу” залгих ба тэр нь ходоодонд буй хоолыг жижиглэх нунтаглахад тусалдаг.
• Бие гүйцсэн эр тоодог “дөрвөн настай хүүхэд”-тэй чацуу өндөртэй.
• Түүний урт хүзүү хүчирхэг хошуу, том толгой, нүд нь өргөн уудам хээрт баримжаалах, хүнс тэжээлээ олох зохилдлоготой.
• Хонин тоодог нь урт хүчирхэг хөлтэй, хурдан гүйдэг тул зарим газар нутгийн иргэд түүнийг “хээрийн тахиа” хэмээн хочлон нэрлэдэг.
• Бор шаргал, хар болон цагаан толборхог өнгө нь тоодогийг дагуурын хээрт маш сайн нуугдах нөхцөлийг бүрдүүлэх бөгөөд зарим үед урдхан талд явж байхад нь ч олж харахад хэцүү болгодог бөгөөд аюул ойртсон үед тэрээр газарт нуугдаж өндөр өвсөнд шургадаг.
• Хонин тоодог хэмээх Монгол нэр нь энэ шувууны зан төрхтэй холбоотой буюу эр шувуу орооны үеэр далавчны дотор талыг гадагш эргүүлж хонь мэт бондгор, бүхэлдээ цагаан зүстэй болдогтой холбоотой.
• Тоодог алс хол зайд нүүдэллэдэг хэдий ч нүүдлийн бус үедээ нисэхээс илүүтэй газраар явгалан гүйхийг илүүд үздэг.
• Шувуунд хөлсний булчирхай байхгүй учраас сэрүүцэхийн тулд далавчаа дэлгэн дэвэх нь дулаан ялгаруулалтыг хурдасгана. 
• Мөн хошуугаа ангайлган гүнзгий амьсгалдаг.

Эх сурвалж: WWF