Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
Ерөнхийлөгчийн өргөн мэдүүлсэн "УИХ-ын гишүүнийг эгүүлэн татах" хуулийн талаар ЕТГ-ын хэвлэлийн төлөөлөгч Ц.Ганзориг мэдээлэл өгөв.
УИХ дахь АН-ын бүлэг энэ төсөлтэй холбоотойгоор нэг өдрийн завсарлага авсан юм. Ингэснээр ирэх пүрэв гарагт, 04.16-ны өдөр УИХ-ын чуулганы нэгдсэн хуралдаанаар энэ төслийг хэлэлцэнэ.
Ц.Ганзориг: Төрийн тэргүүн баруун таван аймагт ажиллав. 7000 орчим иргэнтэй уулзлаа. Иргэдэд энэ хуулийн төслийг танилцуулсан. Энэ үеэр тухайн тойргоос сонгогдсон УИХ-ын гишүүд мөн тойрогтоо ажиллаж таарсан юм. Иргэд энэ хуулийн төслийг батлуулах ёстой гэж хоёр гараа өргөн дэмжсэн. Нийгмийн захиалга гээд байгаа нь энэ юм.
Иргэдийн олонхоор Ерөнхийлөгчийг сонгосон. Намын жагсаалтаар УИХ-ын гишүүн болсон бол намын дарга санал оруулах заалт хуулийн төсөлд бий. Энэ заалтыг олон гишүүн шүүмжиллээ. Төслийг хэлэлцэх явцад энэ заалтыг хуулиас хасаж болно. Энэ эрх нь УИХ-д бий. Нам хариуцлагын гадна үлдэж болохгүй гэсэн үүднээс энэ заалтыг хуулийн төсөлд нэмсэн. УИХ олонхоороо энэ хуулийг хэлэлцэнэ.
Манай улс парламентын засаглалтай болоод 34 жил боллоо. Бид өнөөдөр ёс зүйг парламентаар анх удаа хэлэлцэж байна. Энэ сэдвийг анх удаа хэлэлцэж байгаа нь дэвшил мөн. Төрийн тэргүүн энэ хуулийг санаачлахаас өөр арга байгаагүй. Учир нь парламентын гишүүд өнөөдрийг хүртэл оруулж ирээгүй. УИХ-ын гишүүд өөрийгөө эргүүлэн татах хуулийн төслийг оруулж ирэхгүй юм байна гэдгийг бид харлаа. Ард түмний, нийгмийн хүлээж буй энэ төслийг Ерөнхийлөгч л өргөн барих юм байна.
Ерөнхий прокурорын хүсэлтээр УИХ-ын гишүүнийг эргүүлэн татах хууль бий гэж туршлагатай гишүүд ярьсаар байна. Санаатай юу, санамсаргүй юу гэдгийг мэдэхгүй ч ийм мэдээлэл өгч байгаад харамсаж байна. Учир нь УЕП УИХ-ын гишүүнийг эргүүлэн татах шууд эрх байхгүй. Саналаа УИХ-д оруулж, УИХ шийдэх хууль одоо үйлчилж байна.
Үндэсний аюулгүй байдлын ажлын алба нь Ерөнхийлөгчид туслан зааварчлах үүрэгтэй. Энэ үүргийнхээ дагуу хуулийн төслийг боловсруулах ажлын хэсэгт багтан ажилласан. Ямар нэг хууль зөрчөөгүй. Би ч тэр ажлын хэсэгт багтсан. Энэ хууль үндэсний аюулгүй байдал, парламентын засаглалтай холбоотой гэв.
Ерөнхийлөгчийн өргөн мэдүүлсэн "УИХ-ын гишүүнийг эгүүлэн татах" хуулийн талаар ЕТГ-ын хэвлэлийн төлөөлөгч Ц.Ганзориг мэдээлэл өгөв.
УИХ дахь АН-ын бүлэг энэ төсөлтэй холбоотойгоор нэг өдрийн завсарлага авсан юм. Ингэснээр ирэх пүрэв гарагт, 04.16-ны өдөр УИХ-ын чуулганы нэгдсэн хуралдаанаар энэ төслийг хэлэлцэнэ.
Ц.Ганзориг: Төрийн тэргүүн баруун таван аймагт ажиллав. 7000 орчим иргэнтэй уулзлаа. Иргэдэд энэ хуулийн төслийг танилцуулсан. Энэ үеэр тухайн тойргоос сонгогдсон УИХ-ын гишүүд мөн тойрогтоо ажиллаж таарсан юм. Иргэд энэ хуулийн төслийг батлуулах ёстой гэж хоёр гараа өргөн дэмжсэн. Нийгмийн захиалга гээд байгаа нь энэ юм.
Иргэдийн олонхоор Ерөнхийлөгчийг сонгосон. Намын жагсаалтаар УИХ-ын гишүүн болсон бол намын дарга санал оруулах заалт хуулийн төсөлд бий. Энэ заалтыг олон гишүүн шүүмжиллээ. Төслийг хэлэлцэх явцад энэ заалтыг хуулиас хасаж болно. Энэ эрх нь УИХ-д бий. Нам хариуцлагын гадна үлдэж болохгүй гэсэн үүднээс энэ заалтыг хуулийн төсөлд нэмсэн. УИХ олонхоороо энэ хуулийг хэлэлцэнэ.
Манай улс парламентын засаглалтай болоод 34 жил боллоо. Бид өнөөдөр ёс зүйг парламентаар анх удаа хэлэлцэж байна. Энэ сэдвийг анх удаа хэлэлцэж байгаа нь дэвшил мөн. Төрийн тэргүүн энэ хуулийг санаачлахаас өөр арга байгаагүй. Учир нь парламентын гишүүд өнөөдрийг хүртэл оруулж ирээгүй. УИХ-ын гишүүд өөрийгөө эргүүлэн татах хуулийн төслийг оруулж ирэхгүй юм байна гэдгийг бид харлаа. Ард түмний, нийгмийн хүлээж буй энэ төслийг Ерөнхийлөгч л өргөн барих юм байна.
Ерөнхий прокурорын хүсэлтээр УИХ-ын гишүүнийг эргүүлэн татах хууль бий гэж туршлагатай гишүүд ярьсаар байна. Санаатай юу, санамсаргүй юу гэдгийг мэдэхгүй ч ийм мэдээлэл өгч байгаад харамсаж байна. Учир нь УЕП УИХ-ын гишүүнийг эргүүлэн татах шууд эрх байхгүй. Саналаа УИХ-д оруулж, УИХ шийдэх хууль одоо үйлчилж байна.
Үндэсний аюулгүй байдлын ажлын алба нь Ерөнхийлөгчид туслан зааварчлах үүрэгтэй. Энэ үүргийнхээ дагуу хуулийн төслийг боловсруулах ажлын хэсэгт багтан ажилласан. Ямар нэг хууль зөрчөөгүй. Би ч тэр ажлын хэсэгт багтсан. Энэ хууль үндэсний аюулгүй байдал, парламентын засаглалтай холбоотой гэв.