Монгол Улс дахь хүний эрх, эрх чөлөөний байдлын талаарх илтгэлийг УИХ-ын чуулганаар хэлэлцэн УИХ-ын тогтоол баталдаг. Хэрэгжүүлэх чиг үүргийг Засгийн газарт даалгадаг юм.

25 дахь илтгэлийг Комиссын хийсэн хяналт шалгалт, иргэдээс Комисст ирүүлсэн гомдол, мэдээлэл, Комиссын гишүүний шаардлага, зөвлөмжийн хэрэгжилт, судалгаа, дүн шинжилгээ, төрийн болон бусад байгууллагын холбогдох мэдээлэлд үндэслэн боловсруулжээ.

6 бүлгийн хүрээнд 65 саналыг өнөөдөр “Пума Империал” зочид буудлын хурлын танхимд танилцуулна. Үүнд:
- Эрүүл мэндээ хамгаалуулах, эрүүл мэндийн тусламж, үйлчилгээ авах эрхийн хэрэгжилт;
- Шүүх шинжилгээ ба хүний эрх;
- Олон нийтийн мэдэх эрхийн төлөв байдал;
- Хүний эрх хамгаалагчийн эрхийн хэрэгжилт;
- Хүүхэд хамгааллын тогтолцооны анхаарах зарим асуудал;
- Жендэрийн эрх тэгш байдлыг хангахад эрэгтэйчүүдэд тулгарч буй асуудал багтжээ.