Улсын Их Хурлын Аюулгүй байдал, гадаад бодлогын байнгын хорооны дэргэд Кибер аюулгүй байдлын хуулийн хэрэгжилтийн бодит байдалд дүн шинжилгээ хийж, гарч байгаа хүндрэл бэрхшээлийг тодорхойлох ажлын хэсгийu байгуулсан.

Ажлын хэсгийн ээлжит хурал өнөөдөр (2026.04.06) боллоо. Хурлаар Кибер аюулгүй байдлын хуулийн хэрэгжилтийн бодит байдал, тулгараад буй хүндрэл, эерэг, сөрөг нөлөөллийг хэлэлцэв.  

Хэлэлцүүлгийн дүнд хуулийн төслийг шинэчлэн найруулах шаардлагатай гэж үзэж, оролцсон гишүүдийн 100 хувийн саналаар дэмжин, Аюулгүй байдал, гадаад бодлогын байнгын хороонд дүгнэлтээ танилцуулахаар болов.  

Хуралдааны үеэр:
• Шинээр үүсэж буй технологийн нэр томьёог нэг мөр болгох
• Хуулийн шинэчилсэн найруулгад иргэн төвтэй зарчим баримтлах
• Хүний эрхийн Үндэсний Комиссын санал тусгах шаардлагыг онцоллоо.

Технологийн эрчимтэй хөгжилтэй зэрэгцэн кибер эрсдэл нэмэгдэж буй энэ үед ойлгомжтой, хэрэгжих боломжтой, иргэний эрхийг хамгаалсан хууль нэн чухал байна гэж УИХ-ын гишүүн Ч.Анар онцлов.