УИХ-ын Тамгын газрыг Ерөнхий нарийн бичгийн дарга нь удирддаг. УИХ-ын даргаар Н.Учрал томилогдохдоо Үндсэн хуулийн цэцийн гишүүнээр ажиллаж байсан Хууль зүйн ухааны доктор, профессор, гавьяат хуульч Л.Өлзийсайханыг УИХ-ын Тамгын газрын Ерөнхий нарийн бичгийн даргаар 2025 оны 11-р сард томилсон.

УИХ-ын Ерөнхий нарийн бичгийн даргын дор УИХ-ын Тамгын газрын Тэргүүн дэд дарга болон Дэд даргын хоёр албан тушаал байх ба эдгээр албан тушаалтнуудын ажлын чиг үүрэг нь өөр өөр.

Улсын ерөнхий прокурорын орлогч байсан төрийн хууль цаазын шадар зөвлөхийн хэргэм цолтой Г.Эрдэнэбат нь УИХ-ын Тамгын газрын хоёр дэд даргын нэгээр 2026 оны 2-р сард томилогджээ.

Өмнөх парламентын үед УИХ дахь Ардчилсан намын бүлгийн Ажлын албаны хуулийн зөвлөхөөр ажилласан тэрбээр үргэлжлүүлэн УИХ-ын дэд дарга Б.Пүрэвдоржийн зөвлөх хийж байв.

Г.Эрдэнэбат нь:

• 1972 онд Улаанбаатар хотод төрсөн.
• 1994 онд Цагдаагийн дээд сургууль,
• 1997 онд  БХИС-ийн Удирдлагын сургууль,
• 2000 онд ОХУ-ын Уралын Улсын хуулийн академийг төгссөн, хуульч мэргэжилтэй.

Ажилласан байдал:

• 1994-1995 онд Хилийн цэргийн офицер
• 1995-1997 онд БХИС-ийн багш
• 1997-2000 онд ХЦУГ-ын Захиргаа удирдлагын газарт хуулийн зөвлөх
• 2000-2009 онд МУИС-ийн Хууль зүйн сургуульд багш
• 2009-2010 онд Монгол Улсын Ерөнхийлөгчийн Тамгын газарт Ерөнхийлөгчийн хуулийн асуудал хариуцсан туслах 
• 2010-2013 онд Улсын Ерөнхий прокурорын газрын Ял эдлүүлэх ажиллагаанд тавих хяналт хариуцсан прокурор
• 2013-2019 онд Улсын ерөнхий прокурорын орлогчоор томилогдон ажилласан.
• 2021 оноос УИХ дахь Ардчилсан намын бүлгийн Ажлын албаны хуулийн зөвлөх, УИХ-ын дэд даргын зөвлөхөөр ажиллаж байв.

Хууль эрx зүйн онолын болон практик туршлагатай, эрүүгийн xуулиар толгой цохих цөөн хуульчийн нэг гэж салбартаа үнэлэгддэг тэрбээр Улсын Ерөнхий прокурорын орлогч байхдаа С.Зоригийг хөнөөсөн хэргийг илрүүлэх ажлын хэсгийн ахлагчаар ажиллаж байснаар нь олон түмэн илүү мэдэх болсон байна.