Өмнөговь аймгийн 0131 дүгээр ангийн алба хаагчийг эрэн хайх ажиллагаа дөрөв дэх өдрөө үргэлжилж, 2026 оны 03 дугаар сарын 29-ний өдрийн 19:49 цагт эсэн мэнд оллоо. 

Хилийн цэргийн удирдах газар, Онцгой байдлын ерөнхий газар, Өмнөговь аймгийн Онцгой комисс, Номгон сумын агаарын 104-р тусгай рот, эрлийн багийн гишүүд, Монголын  Аргаль янгир хамгаалах сан, иргэд, төрийн албан хаагчид эрэлд хамтран оролцжээ.

"Хамтын хүч, шуурхай ажиллагааны үр дүнд хүний амь нас, эрүүл мэндийг хамгаалж чадсанд гүнээ талархаж байна. Эмчилгээ, тусламж авч буй  хилчиндээ хурдан эдгэрэхийг хүсэн ерөөе. Эх орны минь дархан хил тайван байж, ээж аавынхаа эрдэнэ болсон эр цэргүүд цог золбоотой байх болтугай" гэж Аймгийн Иргэдийн Төлөөлөгчдийн Хурал, Засаг даргын Тамгын газар, Өвөрхангай аймгийн Уянга сумын Иргэдийн Төлөөлөгчдийн хурал, Засаг даргын тамгын газар талархал илэрхийлжээ.