Шадар сайд Х.Ганхуяг УИХ-ын чуулганы хуралдаан хоёр дахь долоо хоногтоо хуралдаагүй талаар байр сууриа илэрхийлэв. 

-Ширээ суудал болохоор улс төржөөд гүйгээд байдаг. Юу гэж амлаж гарч ирсэн бэ? Би тэрийг сайн ойлгохгүй байна. Бүх юмыг царцаах юм уу? Бүлгээс ямар шийдвэр гарахыг мэдэхгүй байна. 

-Шатахууны нөөцийн талаар мэдээлэл өгөөч.
-Өнөөдрийн байдлаар шатахууны нэг сарын нөөц байна. ОХУ нийлүүлэлтээ хязгаарлахгүй гэсэн. Гол нь бидний хэрэглээ байнга нэмэгдэж байна. Шатахууны үнэ өсвөл инфляцад, ханшид, барааны үнэд шууд нөлөөлнө.Манай гол бүтээгдэхүүн бол хүссэн хүсээгүй уул уурхайн бүтээгдэхүүнүүд. Эдгээрийн өртөг өсөж, экспорт нөлөөлнө.

Газар тариалангийн улирал эхлэх гэж байна. Иймээс эхний ээлжид шатахуун, дизель түлшний гаалийн, импортын татварыг тэглэх ёстой. Энэ саналаа өргөн барьсан, хүлээж байна гэв.