Үнэн ба зөв намаас "Сүүдрийн засгийн газар байгуулах" арга хэмжээний талаар мэдээлж байна. 

Тэд хэлэхдээ,  "Энэ сарын 14-нд "Сүүдрийн засгийн газар байгуулах" бүх ард түмний чуулгыг хийнэ гэдгээ мэдэгдэж байна. Улс орнуудад "Сүүдрийн засгийн газар" гэж байдаг.

Монгол Улсын парламент сөрөг хүчинтэй, эрх баригчтай байх ёстой. Гэтэл 2024 оны сонгуулиар сонгогдсон парламент нэг талдаа гарсан хөнжилдөө ороод тэврэлдсэн. Хоорондоо гагцхүү албан тушаал эрх мэдлийн төлөө хоорондоо маргалддаг. Ард түмний асуудал, авлигыг хэрхэн шийдэх талаар хэзээ ч маргадаггүй. 

Ардчилсан парламентын засаглалтай оронд сүүдрийн Засгийн газар гэж байдаг. Парламент дотроо сүүдрийн Засгийн газар гараад, Засгийн газрынхаа мөрийн хөтөлбөрийг шүүмжилж, алдаа дутагдлыг илрүүлж ажиллах ёстой. Гэтэл Монголын улс төр хэт уйтгартай, нэг тал давамгайлсан улс төрийн удирдлагатай машин утсан хүүхэлдэй болж хувирсан. Сүүлийн 30 жил МАН, АН-аас өөр нам улс төрийн үзэл санаа илэрхийлбэл аль нэгэн рүүгээ наадаг явдал хэрээс хэтэрсэн. 

Тиймээс дөрөвдүгээр сарын 14-ний хаврын чуулган Төрийн ордонд хуралдаж чадахгүй байвал Монголын бүх ард түмэн морин цаг хуралдаж асуудлыг ярилцана.

Нэгт сүүдрийн Засгийн газар байгуулах асуудлыг ард түмнээрээ хэлэлцэнэ. Хэрэв дэмжигдэж байгуулж ажиллавал хэмнэлт гэдэг зүйлийг яаж хэрэгжүүлж болох вэ гэдгийг үлгэрчилж харуулна. 2012-2016 онд Ардчилсан Нам төр барьж байх үед МАН сүүдрийн танхим нэртэй юм эхлүүлээд замхарсан. Үүнээс хойш сүүдрийнх байтугай шүүмжилдэг дарга ч үгүй болсон байна. 

Төрийн ордонд ажиллаж байгаа түшээд нь ямар ёс зүй алга. Үүнд хариуцлагатай байхыг иргэд шаарддаг байх хэрэгтэй. 

Парламентад таван нам байгаа боловч аль хэдийн нэг хөнжилдөө орчихсон. Нэгнээ шаардаж шахаж, сөрөг хүчний ажлаа хийхгүй байна. 

Дөрөвдүгээр сарын 14-ний өдөр бол морь өдөр бөгөөд морин цагт бүх ард түмний чуулганыг зохион байгуулж, бүх акцуудаа танилцуулна. 

Сүүдрийн засгийн газрыг байгуулахгүй бол хариуцлага тооцдог хүн алга. Тэгэхгүй болохоор иргэдийн толгой дээр гарч байна. Монгол түмнийг дэлхийн улс нийтийн өмнө шившиглэж байна. 

Ард түмэн биднээс дуу хоолойгоо нэгтгээд ажиллаад өгөөч гэж биднээс гуйдаг" гэв.

ШУУД ҮЗЭХ: