Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
АНУ үндэсний аюулгүй байдлын үүднээс гадаадад үйлдвэрлэсэн, интернэт рүүтэрүүдийг хориглосон байна.
Даваа гарагт аюулгүй байдал хангалтгүй гэж үзсэн тоног төхөөрөмжийн жагсаалтыг шинэчлэхдээ АНУ-аас гадаадад үйлдвэрлэсэн хэрэглэгчийн түвшний бүх рүүтэрийг нэмж оруулжээ.
Өөрөөр хэлбэл энэ нь компьютер, утас, зурагт болон бусад төхөөрөмжийг интернэтэд холбохдоо өргөн хэрэглэгддэг рүүтэрүүдийг өнгөрсөн оны сүүлээр хориглосон гадаадын дронуудтай адил ангилалд оруулж байгаа юм.
“Зарим этгээд гадаадад үйлдвэрлэсэн рүүтэрүүдийн аюулгүй байдлын сул талыг ашиглан Америкийн айл өрхүүдэд халдах, сүлжээг тасалдуулах, тагнуул хийх, оюуны өмч хулгайлах зэрэг үйлдэл хийж байна” гэж Холбооны Харилцаа Холбооны Комисс /FCC/ мэдэгдэв.
Одоогоор хүмүүс өмнө нь худалдан авсан гадаад рүүтэрээ ашиглаж болох ч хориг нь шинээр гарч буй бүх төхөөрөмжийн загвар хамаарна гэжээ. Энэхүү шийдвэр нь өнгөрсөн нэг жилийн хугацаанд рүүтэрүүдийг кибер халдлагын хамгийн амархан нэвтрэх цэг гэж үзэх болсонтой холбоотой юм.
TP-Link брэндийн (Хятадад үйлдвэрлэгддэг, Amazon дээр хамгийн их зарагддаг рүүтэрүүдийн нэг) төхөөрөмжүүд өнгөрсөн жил олон удаагийн кибер халдлагын дараа АНУ-ын улс төрийн анхаарлын төвд орж байв.
Одоо АНУ-аас гадаадад үйлдвэрлэсэн аливаа шинэ рүүтэрийг импортлох, зах зээлд гаргах, худалдах боломжтой болохын тулд FCC-ээс заавал зөвшөөрөл авах шаардлагатай болно. Ийм зөвшөөрөл авахын тулд гадаадад рүүтэр үйлдвэрлэдэг компаниуд гадаад хөрөнгө оруулагчид, нөлөөллийн талаарх мэдээллээ ил тод болгохоос гадна үйлдвэрлэлээ АНУ руу шилжүүлэх төлөвлөгөө танилцуулах ёстой. Зарим рүүтэрийг Батлан хамгаалах яам эсвэл Эх орны аюулгүй байдлын яам зөвшөөрвөл хоригийн жагсаалтаас хасаж болох юм. Гэхдээ одоогоор эдгээр байгууллагууд ямар нэг тодорхой төхөөрөмжийг онцгойлон зөвшөөрөөгүй байна.
FCC мөн 2024–2025 онд АНУ-ын дэд бүтцийг онилсон “Volt”, “Flax”, “Salt Typhoon” нэртэй гурван кибер халдлагад рүүтэрүүдээр дамжсан хууль бусаар нэвтрэх оролдлого хийгдсэн гэжээ. Эдгээр халдлагыг АНУ-ын засгийн газрын мөрдөн шалгалтаар Хятадын засгийн газартай холбоотой этгээдүүд үйлдсэн гэж үзсэн байна.
Интернэт рүүтэрүүдийн ихэнхийг АНУ-аас гадуур, ихэвчлэн Тайвань эсвэл Хятадад үйлдвэрлэдэг. Хориг нь АНУ-д загварчлагдсан ч гадаадад угсарсан рүүтэрүүдэд мөн хамаарна. АНУ-д түгээмэл хэрэглэгддэг рүүтэр брэндүүдийн нэг болох Netgear компани бүтээгдэхүүнээ бүгдийг нь гадаадад үйлдвэрлэдэг.
АНУ-д үйлдвэрлэгдсэн рүүтэрийн ховор жишээний нэг нь Starlink WiFi router бөгөөд энэ нь SpaceX компанийн бүтээгдэхүүн юм. Тус компани эдгээр рүүтэрүүдийг Техас мужид үйлдвэрлэдэг байна.
Эх сурвалж: BBC
АНУ үндэсний аюулгүй байдлын үүднээс гадаадад үйлдвэрлэсэн, интернэт рүүтэрүүдийг хориглосон байна.
Даваа гарагт аюулгүй байдал хангалтгүй гэж үзсэн тоног төхөөрөмжийн жагсаалтыг шинэчлэхдээ АНУ-аас гадаадад үйлдвэрлэсэн хэрэглэгчийн түвшний бүх рүүтэрийг нэмж оруулжээ.
Өөрөөр хэлбэл энэ нь компьютер, утас, зурагт болон бусад төхөөрөмжийг интернэтэд холбохдоо өргөн хэрэглэгддэг рүүтэрүүдийг өнгөрсөн оны сүүлээр хориглосон гадаадын дронуудтай адил ангилалд оруулж байгаа юм.
“Зарим этгээд гадаадад үйлдвэрлэсэн рүүтэрүүдийн аюулгүй байдлын сул талыг ашиглан Америкийн айл өрхүүдэд халдах, сүлжээг тасалдуулах, тагнуул хийх, оюуны өмч хулгайлах зэрэг үйлдэл хийж байна” гэж Холбооны Харилцаа Холбооны Комисс /FCC/ мэдэгдэв.
Одоогоор хүмүүс өмнө нь худалдан авсан гадаад рүүтэрээ ашиглаж болох ч хориг нь шинээр гарч буй бүх төхөөрөмжийн загвар хамаарна гэжээ. Энэхүү шийдвэр нь өнгөрсөн нэг жилийн хугацаанд рүүтэрүүдийг кибер халдлагын хамгийн амархан нэвтрэх цэг гэж үзэх болсонтой холбоотой юм.
TP-Link брэндийн (Хятадад үйлдвэрлэгддэг, Amazon дээр хамгийн их зарагддаг рүүтэрүүдийн нэг) төхөөрөмжүүд өнгөрсөн жил олон удаагийн кибер халдлагын дараа АНУ-ын улс төрийн анхаарлын төвд орж байв.
Одоо АНУ-аас гадаадад үйлдвэрлэсэн аливаа шинэ рүүтэрийг импортлох, зах зээлд гаргах, худалдах боломжтой болохын тулд FCC-ээс заавал зөвшөөрөл авах шаардлагатай болно. Ийм зөвшөөрөл авахын тулд гадаадад рүүтэр үйлдвэрлэдэг компаниуд гадаад хөрөнгө оруулагчид, нөлөөллийн талаарх мэдээллээ ил тод болгохоос гадна үйлдвэрлэлээ АНУ руу шилжүүлэх төлөвлөгөө танилцуулах ёстой. Зарим рүүтэрийг Батлан хамгаалах яам эсвэл Эх орны аюулгүй байдлын яам зөвшөөрвөл хоригийн жагсаалтаас хасаж болох юм. Гэхдээ одоогоор эдгээр байгууллагууд ямар нэг тодорхой төхөөрөмжийг онцгойлон зөвшөөрөөгүй байна.
FCC мөн 2024–2025 онд АНУ-ын дэд бүтцийг онилсон “Volt”, “Flax”, “Salt Typhoon” нэртэй гурван кибер халдлагад рүүтэрүүдээр дамжсан хууль бусаар нэвтрэх оролдлого хийгдсэн гэжээ. Эдгээр халдлагыг АНУ-ын засгийн газрын мөрдөн шалгалтаар Хятадын засгийн газартай холбоотой этгээдүүд үйлдсэн гэж үзсэн байна.
Интернэт рүүтэрүүдийн ихэнхийг АНУ-аас гадуур, ихэвчлэн Тайвань эсвэл Хятадад үйлдвэрлэдэг. Хориг нь АНУ-д загварчлагдсан ч гадаадад угсарсан рүүтэрүүдэд мөн хамаарна. АНУ-д түгээмэл хэрэглэгддэг рүүтэр брэндүүдийн нэг болох Netgear компани бүтээгдэхүүнээ бүгдийг нь гадаадад үйлдвэрлэдэг.
АНУ-д үйлдвэрлэгдсэн рүүтэрийн ховор жишээний нэг нь Starlink WiFi router бөгөөд энэ нь SpaceX компанийн бүтээгдэхүүн юм. Тус компани эдгээр рүүтэрүүдийг Техас мужид үйлдвэрлэдэг байна.
Эх сурвалж: BBC