УИХ-ын чуулганы пүрэв гарагийн хуралдаан ирц бүрдээгүйн улмаас хойшилсон. 10:00 цагт эхлэх товтой чуулганы хуралдааны ирц 14 цагт бүрдээгүй байсан тул УИХ-ын дарга Н.Учрал УИХ дахь намын бүлгүүдийн дарга нарт ирц бүрдүүлэхийг үүрэгдсэн. 

Өнөөдөр ирц бүрдэж чадвал, дараах асуудлыг хэлэлцэхээр товложээ. Үүнд, 

• Монгол Улсын Үндсэн хуулийн цэцийн 2025 оны 12 дугаар дүгнэлт /Монгол Улсын Их Хурлын чуулганы хуралдааны дэгийн тухай хуулийн 101 дүгээр зүйлийн 101.1, 102 дугаар зүйлийн 102.1 дэх хэсгийн холбогдох зохицуулалт Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/
• Монгол Улсын Үндсэн хуулийн цэцийн 2026 оны 01 дүгээр дүгнэлт /Үндсэн хуулийн цэцэд маргаан хянан шийдвэрлэх ажиллагааны тухай хуулийн 14 дүгээр зүйл Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/ тус тус багтаж байна. 

Өчигдрийн хуралдааны товд эдгээр хоёр асуудал багтсан байсан бөгөөд Засгийн газрын гишүүдийг чөлөөлөх, томилох талаарх Ерөнхий сайдын танилцуулга гэсэн тов байсныг өнөөдөр вэб сайтаасаа хасжээ.