Сайд нарыг огцруулах асуудлаар Шадар сайд, ХҮН намын дарга Т.Доржхандын байр суурийг өнөөдөр /2026.03.18/ сонслоо.  

Тэрбээр, Засгийн газрын үйл ажиллагааны хөтөлбөрт УИХ-д суудалтай таван намын мөрийн хөтөлбөрөөс орсон. Эрчим хүчний реформ хийх хөтөлбөрт ХҮН намын мөрийн хөтөлбөр 100 хувь тусгалаа олсон. Засгийн газрын эрчим хүчний бодлого болон хэрэгжиж байна.

Боловсролын сайд, Эрчим хүчний сайд нар чөлөөлөгдөх өргөдлөө өгсөн тул Засгийн газрын бүрэлдэхүүнд өөрчлөлт орж байна. ХҮН намын мөрийн хөтөлбөрт тусгасан Эрчим хүчний реформыг Засгийн газар эхлүүлсэн. Эрчим хүчний реформын үндэсний хороог зургаан сарын дараа татан буулгасан. Цаашид эрчим хүчний реформын асуудлыг ХҮН нам манлайлан аваад явах нь зүйтэй гэсэн ойлголцолд хүрсэн. УИХ-аар энэ долоо хоногт шийдэгдэх байх.

-П.Наранбаяр сайдын ажлыг Та хэрхэн дүгнэж байна вэ?
-Наранбаяр сайд сайн ажилласан. Багш нарын цалинг нэмэгдүүлсэн. Боловсролын салбарын хөрөнгө оруулалтыг 50 хувь нэмсэн. Маш их эсэргүүцэлтэй тулгарсан ч гэсэн 2026 оныг боловсролын жил болгон зарлуулах бүх ажлыг хийсэн. Энэ агуулгаар ажлаа амжилттай сайн хийсэн гэж дүгнэж байна. хариуцлага тооцож, сайдын албан тушаалаас чөлөөлж буй хэрэг биш гэдгийг ХҮН намын Удирдах зөвлөлийн өчигдрийн хурлаар хэлэлцэж дүгнэсэн.

-Эрчим хүчний сайдыг ХҮН намаас томилно гэж ойлголоо. Хэнийг томилох гэж байна вэ?
-Энэ талаар Удирдах зөвлөлийн хурлаар ярилцсан. УИХ-ын гишүүдийнхээ саналыг сонссон. УИХ-ын гишүүн ТББХ-ны дарга Б.Найдалаа, УИХ-ын гишүүн П.Ганзориг нарын нэр яригдаж байна. Холбогдох хүмүүсийнхээ нэрсийг өнөөдөр өгсөн. Ерөнхий сайд шийдвэрээ гаргана гэв.