АНУ-ын ерөнхийлөгч Доналд Трампын терроризмын эсрэг бодлогын тэргүүн албан тушаалтан Ираны дайны асуудлаас болж огцорч, ерөнхийлөгчийг чиглэлээ өөрчлөхийг уриалжээ.

Жое Кент өөрийн X платформд нийтэлсэн бичвэртээ Иран улс АНУ-д “Ойрын, шууд аюул занал учруулахгүй байсан. Израиль болон түүний АНУ дахь хүч түрэмгийлсэн шахалтаас болж энэ дайныг эхлүүлсэн” гэж мэдэгджээ.

Цагаан ордон уг захидлыг няцааж, ерөнхийлөгчид Иран АНУ-д түрүүлж довтлохоор төлөвлөж байсан гэх “нотлох баримт хангалттай байсан” гэж мэдэгдсэн байна. Кент огцорсноор Трампын засаг захиргаанаас АНУ-Израилийн Иранд хийсэн дайралтыг ил тод шүүмжилсэн хамгийн өндөр түвшний албан тушаалтан болж байна.

Өмнө нь Трамп Кентийг “сайн хүн боловч аюулгүй байдлын асуудал дээр сул” гэж тодорхойлж байв. Мөн түүний огцрох захидлыг уншаад “Явсан нь зөв” гэжээ.

Трампыг олон жил дэмжиж ирсэн Кент Конгресст хоёр удаа нэр дэвшсэн ч амжилт олоогүй бөгөөд ерөнхийлөгч түүнийг албан тушаалд нэр дэвшүүлж, батламжилсан байна.

Хоёр хүүхдийн эцэг тэрбээр АНУ-ын армийн тусгай хүчний бүрэлдэхүүнд багтаж, Ирак зэрэг улсуудад нийт 11 удаа гадаад томилолтоор ажилласан байжээ.

Эх сурвалж: BBC